Orfeo negro
Orfeo negro (en portugués: Orfeu Negro) é un filme de 1959 coproducido entre Francia, o Brasil e Italia dirixido polo director de cinema francés Marcel Camus. Foi rodado en Río de Xaneiro e contribuíu a volver mundialmente famosa a música popular brasileira. Antônio Carlos Jobim e Luiz Bonfá son os autores dos dous temas principais da música que chegaron a ser clásicos da bossa nova e do jazz, A felicidade, de Jobim, e Manhã de Carnaval, de Bonfá.
| Orfeo negro | |
|---|---|
| Ficha técnica | |
| Título orixinal | Orfeu Negro |
| Director | Marcel Camus |
| Produtor | Sacha Gordine |
| Guión | Marcel Camus Vinícius de Moraes Jacques Viot |
| Intérpretes | Marpessa Dawn Breno Mello |
| Música | Luiz Bonfá Antônio Carlos Jobim João Gilberto |
| Fotografía | Jean Bourgoin |
| Montaxe | Andrée Feix |
| Estudio | Dispat Films (FR) Gemma (IT) Tupan Filmes (BR) |
| Estrea | 12 de xuño de 1959 |
| Duración | 107 minutos |
| Orixe |  Brasil Francia Italia |
| Recadación | 750 000 (recadación nos Estados Unidos)[1] |
| Na rede | |
           | |
O filme baséase na obra teatral de 1954 Orfeu da Conceição, do poeta e músico Vinícius de Moraes, e constitúe unha adaptación do mito de Orfeo ao ambiente do carnaval brasileiro.
Foi emitido na TVG o 29 de agosto de 1986.[2]
Argumento
editarA bela Eurídice chega ó Río de Xaneiro en vésperas do seu célebre entroido, onde é acollida por unha prima que vive nunha favela da cidade. Achégase aló entre o frenesí da samba polas rúas, nun tranvía conducido por un músico chamado Orfeo, heroe popular do lugar polo poder de sedución das súas cancións, e que se fixa nos seus encantos. A paixón mergullaraos no transo vertixinoso do entroido, que á súa vez os arrastrará a un desenlace fatídico. Como no mito grego, Orfeo, aínda que é capaz de facer levantarse o sol coa súa música e canto, e de embelesar todos os que o ouven, non consegue realizar o seu amor.
Elenco
editar- Breno Mello como Orfeo
- Marpessa Dawn como Eurídice
- Marcel Camus como Ernesto
- Fausto Guerzoni como Fausto
- Lourdes de Oliveira como Mira
- Léa Garcia como Serafina
- Adhemar da Silva como a Morte
- Alexandro Constantino como Hermes
- Waldemar De Souza como Chico
- Jorge Dos Santos como Benedito
- Aurino Cassiano como Zeca
Breno Mello era un xogador de fútbol sen experiencia na interpretación cando foi escollido para o papel de Orfeo.[3] Ía camiñando pola rúa no Río de Xaneiro cando o director Marcel Camus o parou e preguntoulle se lle gustaría aparecer nun filme.[4] Da Silva, que interpreta a Morte, foi un atleta de triplo salto que gañou dúas medallas olímpicas en 1952 e 1956.[5]
Marpessa Dawn non era brasileira, senón de Pittsburgh, Pensilvania.[6]
Premios
editarOrfeo negro gañou a Palma de Ouro no Festival Internacional de Cine de Cannes en 1959[7] e o Oscar ao mellor filme en lingua non inglesa representando a Francia.[8] Tamén gañou o Globo de Ouro e o BAFTA ao mellor filme en lingua non inglesa.
Influencia
editarJean-Michel Basquiat citou Orfeo negro como unha das súas primeiras influencias musicais.[9] Barack Obama escribiu no seu libro de memorias Dreams from My Father (1995) que era o filme favorito da súa nai.[10][11]
Notas
editar- ↑ "M-G-M Cashing In on Oscar Victory: Ben-Hur Gross Expected to Reach 7 Million by Week's End – Spartacus Booked", The New York Times (1923–Current file) 7 de abril de 1960: 44.
- ↑ La Voz de Galicia, 29 de agosto de 1986. Páx. 55
- ↑ Hevesi, Dennis (5 de setembro de 2008). "Breno Mello, 76, Star of Orpheus, Dies". The New York Times. Consultado o 25 de febreiro de 2012.
- ↑ Guyot, Jean-François (17 de maio de 2005). "Astro de Orfeu Negro conhece Cannes 46 anos apos vencer festival". France Presse. Consultado o 25 de febreiro de 2012.
- ↑ "Adhemar da Silva". sports-reference.com. Sports Reference LLC. Arquivado dende o orixinal o 22 de decembro de 2008. Consultado o 13 de xuño de 2015.
- ↑
- Marpessa Dawn na IMDb (en inglés).
- ↑ "Black Orpheus". Festival de Cannes. 1959. Consultado o 15 de febreiro de 2009.
- ↑ "The 32nd Academy Awards (1960) Nominees and Winners". Academia das Artes e das Ciencias Cinematográficas. Consultado o 27 de outubro de 2011.
- ↑ Fretz, Eric. Jean-Michael Basquiat: A Biography, Greenwood Biographies, 2010, p. 5.
- ↑ Gonzalez, Ed. "The House Next Door: Barack Obama: A Story of Race and Politics", Slant Magazine (22 de marzo de 2008).
- ↑ Williams, Tia. "Vintage Vamp: Black Orpheus Star Marpessa Dawn" Essence, (21 de agosto de 2011).
Véxase tamén
editarOutros artigos
editar- Filmes de Francia propostos ó Óscar ó mellor filme internacional
- Filmes propostos ó mellor filme internacional na 32ª edición dos Óscar
Ligazóns externas
editar- Criterion Collection essay by David Ehrenstein Arquivado 29 de setembro de 2007 en Wayback Machine.
- Crítica de Black Orpheus
- Orfeu Arquivado 30 de abril de 2018 en Wayback Machine., adaptación musical brasileira de 2010 (en portugués)