O Salto, Rodeiro
Santo Estevo do Salto é unha parroquia que se localiza no concello de Rodeiro. Segundo o IGE en 2012 tiña 137 habitantes (70 mulleres e 67 homes), distribuídos en 10 entidades de poboación, o que supón unha diminución en relación ao ano 1999 cando tiña 267 habitantes.
| O Salto | |
|---|---|
 Igrexa de Santo Estevo do Salto. | |
| Concello | Rodeiro[1] |
| Provincia | Pontevedra |
| Coordenadas | 42°43′13″N 7°54′07″O / 42.72040635, -7.90204996 |
| Poboación | 137 hab. (2012) |
| Entidades de poboación | 10[1] |
| [ editar datos en Wikidata ] | |
Historia
editarXunto coa parroquia de Vilela forma o territorio dos antigos prioratos de Oseira. Aínda se poden ver dúas casas monacais no lugar da Granxa.
No lugar de Faílde está a casa familiar de Francisco Javier Vales Faílde.
Patrimonio
editarEn 1948 atopouse no lugar de Casardixo un machado de bronce datado de hai uns 3.200 anos. As medidas son 155 mm x 39 mm (fío) x 15 mm (grosor baixo a asa); o peso é de 300 gr. Ten tres estrías superficiais en cada folla, con tres estrías a cada lado menos profundas. A forma moi curva do fío e o acurtamento da folla abonan a función cortante. As súas proporción son harmónicas e a riqueza decorativa realza a elegancia deste machado. Sorprendeu pola pureza das súas liñas e factura perfecta do machado de dúas asas.
Consérvase unha mámoa megalítica, en Coto dos Mouros.
Da cultura castrexa consérvanse dúas localizacións de poboados castrexos: o de Castro Pequeno e o de Castro Grande.
Xa de época máis recente é a casa reitoral.
Galería de imaxes
editar- Artigo principal: Galería de imaxes do Salto, Rodeiro.
-
Casa reitoral do Salto.
Lugares e parroquias
editarLugares do Salto
editar| Lugares da parroquia do Salto no concello de Rodeiro (Pontevedra) | |
|---|---|
|
Alemparte | As Antas | Calque | Casardixo | Casares | O Couto | Espasante | Faílde | A Granxa | Quintás |