O Pereiro, Alfoz
Santa María do Pereiro é unha parroquia do concello de Alfoz. É a parroquia máis extensa do concello, e abrangue preto dun terzo da superficie de Alfoz. Segundo o IGE en 2014 tiña 143 habitantes (73 homes e 70 mulleres), mentres que en 2004 tiña 188 habitantes, cunha densidade de 8 hab./km². Ten 29 entidades de poboación.
| O Pereiro | |
|---|---|
 Fervenza do Escouridal | |
 | |
| Concello | Alfoz[1] |
| Provincia | Lugo |
| Coordenadas | 43°29′00″N 7°27′00″O / 43.48333333, -7.45Coordenadas: 43°29′00″N 7°27′00″O / 43.48333333, -7.45 |
| Área | 23,4 km² |
| Poboación | 116 hab. (2014) |
| Densidade | 4,96 hab./km² |
| Entidades de poboación | 29[1] |
| [ editar datos en Wikidata ] | |
Ten unha superficie de 23,4 km². Limita ao norte coa freguesía de Frexulfe (do concello do Valadouro), ao sur con Labrada (concello de Abadín), ao leste con Lagoa e As Oiras (concello de Alfoz), e ao oeste co Cadramón (no concello do Valadouro).
Patrimonio e historia editar
A Pena Abaladoira é un monumento megalítico de orixe e data aínda incerta. Está sita no Monte da Cabalar, a uns 400 metros da estrada O Pereiro - Abadín.
A aldea de Bustelo aparece citada nunha doazón do rei Ordoño II.
Hai numerosas cruces e cruceiros espallados pola parroquia. Cabe destacar o Cruceiro das Candorcas (Acivro), o Cruceiro da Arnela (A Arnela), o Cruceiro da Caxigueira (A Caxigueira) ou o Cruceiro do Outeiro (O Outeiro).
Dende a estrada O Pereiro - Cadramón tamén se pode chegar á Fervenza do Río de Ouro (fervenza do Escouridal), de gran riqueza visual e natural.
Lugares e parroquias editar
Lugares do Pereiro editar
| Lugares da parroquia de O Pereiro no concello de Alfoz (Lugo) | |
|---|---|
|
Acivro | A Arnela | Boudón | Bustelo | A Cabanela | A Caxigueira | O Chao | A Costa | O Coto | Faián | Ferradás | Guilfonso | A Moa | O Outeiro | A Palloza | A Pena do Golpe | A Pesquita | O Pichín | A Ribeira | As Rozas | A Rúa | Rubeiro |
Parroquias de Alfoz editar