Oliver Codrington
Oliver Codrington, nado en Wroughton, Wiltshire, o 5 de maio de 1837 e finado en Brentford, Gran Londres, en marzo de 1921, foi un médico e numismático inglés, especializado en numismática oriental.[1]
| Biografía | |
|---|---|
| Nacemento | 5 de maio de 1837. |
| Morte | Marzo de 1921. Brentford.  Gran Londres Inglaterra. |
| Datos persoais | |
| País de nacionalidade | .svg){kind=small} Británica |
| Educación | London Hospital Medical College. Universidade de Londres. |
| Coñecido por | Estudos de numismática oriental. |
| Actividade | |
| Campo de traballo | Numismática e medicina. |
| Premios | |
| 1911: Medalla da RNS. | |
Traxectoria editar
Primeiros anos e formación editar
Oliver Codrington era fillo do reverendo Thomas Stretton Codrington, vigairo de Wroughton,[2] e da súa muller, Elizabeth, e tiña cinco irmáns.[1]
Logo de se educar na Royal Free Grammar School de Marlborough, estudou Medicina no London Hospital Medical College, da Universidade de Londres.[1][2]
Carreira médica editar
Entre 1859 e 1885 foi membro dos corpos médicos do Exército Británico, como cirurxián xeral, e en tal condición participou nas guerras de Nova Zelandia (1864-1866).[1] Posteriormente estivo destinado en Burma e en Bombai, ata que volveu a Inglaterra logo do seu retiro en 1886.[1][2]
Carreira numismática editar
Paralelamente á súa traxectoria como médico, Codrington foi un importante estudoso da numismática oriental, sinaladamente das emisións monetarias do mundo islámico.[3]
Aínda durante a súa estadía en Asia, en 1873 ingresou na delegación de Bombai da Royal Asiatic Society e o ano seguinte emprendeu a tarefa de lanzar o xornal desta filial, no que contribuíu cun bo número de artigos centrados na numismática india e en 1892 publicou un catálogo da colección de moedas da Sociedade.[3][4]
En 1877, Codrington ingresou na Royal Asiatic Society na súa sede principal de Londres, e nela comezou a xogar un papel moi activo a partir do seu regreso a Inglaterra tras a súa xubilación en 1886. Nesta Sociedade ocupou o cargo de bibliotecario honorario dende 1891 ata 1919, ano este en que se retirou de toda actividade.[1][3]
En Londres, Oliver Codrington alternou o seu labor numismático entre a Royal Asiatic Society e a Royal Numismatic Society, entidade esta na que ingresou no mesmo ano do seu retorno a Inglaterra.[3] Nela ocupou tamén o posto de bibliotecario e foi coeditor da súa revista Numismatic Chronicle, na que publicou varios artigos.[5][6]
Oliver Codrington faleceu en marzo de 1921 en Brentford.[7][8]
Recoñecementos editar
Publicacións editar
Esta é unha escolma dos traballos monográficos e os artigos publicados por Oliver Codrington ao longo da súa carreira como numismático:[10][11]
Monografías editar
- (1889). Some rare and Unedited Arabic and Persian Coins [...]. S. Austin, Hertford.
- (1904). A manual of Musalman Numismatics. Royal Asiatic Society, Londres.
Artigos editar
En Journal of the Royal Asiatic Society
- (1883). “On a Hoard of Coins Found at Broach”. En Journal of the Bombay Branch of Royal Asiatic Society, 15 (1882-1883). Páxinas 339-370.
- (1892). “Catalogue of the Arabic, Persian, Hindustani, and Turkish MSS. in the Library of the Royal Asiatic Society”. En JRAS. Vol. 24. Nº 3. Páxinas 501-569.
- (1904). "Note on Musalman Coins Collected by Mr. G. P. Tate in Seistan". En JRAS. Vol. 36. Nº 4. Páxinas 681-686.
- (1905). "Further Note on Musalman Coins Collected by Mr. G. P. Tate in Seistan". En JRAS. Vol. 37. Nº 3. Páxinas 547-553.
- (1911). "Coins Collected by Sir A. Henry McMahon, K.C.I.E., in Seistan". En JRAS. Vol. 43. Nº 3. Páxinas 779-784.
- (1913). "Note on Coinage of Ḥusayn Baikara". En JRAS. Vol. 45. Nº 2. Páxinas 432-434.
En Numismatic Chronicle
- (1894). "Oriental coins". En NC. 3ª serie. Vol. 14. Páxina 88.
- (1894). "Note on a gold coin of Taghlak Shah". En NC. 3ª serie. Vol. 14. Páxinas 185-186.
- (1895). "Coinages of Cutch and Kathiawar". En NC. 3ª serie. Vol. 15. Páxinas 59-88.
- (1898). "Coins of the Bahmani Dynasty" En NC. 3ª serie. Vol. 18. Páxinas 259-273.
- (1902). "Some rare Oriental coins (Umayyad and Abbasi)". En NC. 4ª serie. Vol. 2. Páxinas 274.
- (1913). "Coins of the Kings of Jinus". En NC. 4ª serie. Vol. 13. Páxinas 123-129.
Notas editar
- ↑ 1,0 1,1 1,2 1,3 1,4 1,5 "Condrington, Oliver". En Persons of Indian Studies by Prof. Dr. Klaus Karttunen.
- ↑ 2,0 2,1 2,2 Buckland, C. E. (1906). "Codrington, Oliver". Páxina 87.
- ↑ 3,0 3,1 3,2 3,3 Longworth Dames, M. (1921). Páxina 303.
- ↑ Véxase (1892) en "Publicacións - Artigos en Journal of the Royal Asiatic Society".
- ↑ Longworth Dames, M. (1921). Páxina 304.
- ↑ Véxase "Publicacións".
- ↑ "Oliver Codrington (1837 - 1921)". WikiTree.com
- ↑ "Deaths Mar 1921". FreeBMD.org.uk
- ↑ "The Society’s Medal". Royal Numismatic Society.
- ↑ "Codrington, Oliver -1921 Arquivado 23 de novembro de 2021 en Wayback Machine.". Digital Library Numis.
- ↑ "Codrington, O. (Oliver) -1921". WorldCat Identities.
Véxase tamén editar
| Wikimedia Commons ten máis contidos multimedia na categoría: Oliver Codrington |
Bibliografía editar
- Buckland, C. E. (1906). Dictionary Of Indian Biography. Sonnenschein, Londres.
- Longworth Dames, M. (1921). "Dr. O. Codrington". En The Journal of the Royal Asiatic Society. Nº 2. Páxinas 303-304.