Nepal

República Federal Democrática do Nepal
	संघीय लोकतान्त्रिक गणतन्त्र नेपाल; Sanghiya Loktāntrik Ganatantra Nepāl
	Bandeira
	Bandeira
	Lema: जननी जन्मभूमिश्च स्वर्गादपी गरीयसी; (devanágari: Nai e Patria son máis grandes que os ceos)
	Himno: Sayaun Thunga Phool Ka
Capital; • Poboación	Katmandú; 1 442 271 (2019)
Linguas oficiais	Nepalés
Forma de goberno	República federal
Presidente ; Primeiro Ministro	Bidhya Devi Bhandari ; Pushpa Kamal Dahal
	Unificación
• Reino; • Estado; • República	21 de decembro de 1768 ; 15 de xaneiro de 2007 ; 28 de maio de 2008
Superficie	Posto 93º
• Total	147 181 km²
• % auga	2,80
Fronteiras	2 926 km
Costas	0 km
Poboación	Posto 49º
• Total (2018)	28 087 871 hab.
• Densidade	207 hab./km²
PIB (nominal)	Posto 108º
• Total (2009)	12 615 millóns US$
• per cápita	452 US$
PIB (PPA)	Posto 98º
• Total (2009)	31 582 millóns US$
• per cápita	1 205 US$
Moeda	Rupia (रू, NPR)
IDH (2018)	0,579 (147º) – Medio
Xentilicio	Nepalés, nepalesa
Fuso horario	UTC +5:45
• Horario de verán	Non aplica
Dominio de Internet	.np; .नेपाल
Prefixo telefónico	+977
Prefixo radiofónico	9NA-9NZ
Código ISO	524 NPL NP
	Membro de: ONU, SAARC
	v; c; e;

Coordenadas: 28°10′N 84°15′L / 28.167, -84.250

O Nepal, cuxo nome oficial é República Federal Democrática do Nepal (en nepalés: सङ्घीय लोकतान्त्रिक गणतन्त्र नेपाल), é un país do sur de Asia, con fronteiras coa China (Tíbet) ao norte e a India ao sur. A súa capital e Katmandú; a lingua oficial é o nepalés e a moeda é a rupia nepalesa. O país foi unha monarquía ata 2008, sendo Gyanendra o seu derradeiro rei.

Este artigo amosa letras indias. Sen o soporte axeitado, o texto pode mostrar símbolos sen sentido, coma caixas, marcas e outros.

XeografíaEditar

Nepal ten, máis ou menos, a forma dun trapecio irregular, formando un pequeno país que de leste a oeste ten unha lonxitude duns 800 km e de norte e sur unha anchura máxima duns 200 km, cubrindo unha área de 147.181 km².

Desde unha perspectiva fisiográfica, Nepal pode ser dividido en tres zonas, que dun xeito groseiro, están orientadas de leste a oeste: a zona montañosa, a zona dos outeiros e a rexión do Terai. Estas tres zonas están irrigadas polos maiores cursos de auga do país. A altitude varía desde os 60 metros no Terai, até os 8.848 metros na cima do Everest. Este gradiente tan enorme entraña unha diversidade de climas e de terras.

ClimasEditar

A grandes trazos hai tres variedades climáticas básicas:

subtropical nas chairas do Terai, que bordean no sur do país á India, e por onde corren os tres ríos principais, Kosi, Narayani e Karnali, que pertencen á marxe norte da grande chaira indo-ganxética. Caracterízase por unha estación chuviosa, entre xuño e setembro, causada polo monzón, e outra estación, seca, que cobre o resto do ano;
temperado na rexión central, de montañas medianas e outeiros;
frío e seco na rexión das altas montañas do Himalaia.

Soamente un 20 % da superficie total do país é cultivábel, de xeito que as necesidades acrecentadas unha poboación que medra, tanto en combustíbel como en arroz, o alimento básico, arrastran a unha deforestación preocupante.

Terremoto de 2015Editar

O 25 de abril de 2015 produciuse o devastador terremoto de magnitude 7,8 na escala de Richter. O terremoto rexistrouse ás 06:11 GMT, e o seu epicentro localizouse no distrito de Lamjung, a 81 quilómetros ao noroeste da capital, Katmandú, e a unha profundidade de 15 quilómetros. O número de mortos superou os 8.700 e o total de feridos foi de 20.000, sen incluír o total de desaparecidos, que ascendeu a 273 persoas, entre elas 80 estranxeiros. A maioría dos falecidos concentráronse nos distritos de Sindhupalchowk, ao norte da capital nepalesa, e no distrito administrativo de Katmandú, mentres que outras persoas morreron en Nuwakot.

O Centro Nacional de Operacións de Emerxencia de Nepal indicou que o terremoto destruíu totalmente 10.744 edificios e causou danos parciais en 14.741. As vivendas irrecuperables superan as 191.000, mentres que outras 175.000 sufriron graves danos. O Goberno considerou que se necesitarían uns 2.000 millóns de dólares para a reconstrución. O terremoto causou unha destrución xeneralizada en todo o país e cuantiosos danos materiais. Unha parte importante dos edificios máis emblemáticos e históricos do chamado Val de Katmandú, declarado Patrimonio da Humanidade, quedaron reducidos a cascallos.

EconomíaEditar

Artigo principal: Economía do Nepal.

ZonasEditar

Nepal divídese en 14 zonas
	Bagmati Bheri Dhawalaxiri Gandaki Xanakpur Karnali Kosi Lumbini Mahakali Mechi Narayani Rapti Sagarmatha Seti

DemografíaEditar

RelixiónEditar

Segundo o censo do ano 2001, o 80,6 % dos habitantes do Nepal son hinduístas. Os budistas constitúen o 10,7 %, os musulmáns o 4,2 % e outras relixións o 3,5 %, tamén existen minorías de ateos e cristiáns.

LinguasEditar

Segundo o censo do 2001, fálanse 92 linguas no Nepal. As principais (porcentaxes como lingua nai) son: nepalés (49%), maithili (12%), bhojpuri (8%), Tharu (6%), Tamang (5%), Newari/Nepal Bhasa (4%), Magar (3%), awadhi (2%), Bantawa (2%), Limbu (1%), e Bajjika (1%). As restantes 81 son faladas por menos do 1%.