Katmandú

Katmandú
	काठमांडौ (hi)
Localización
	27°43′N 85°19′L / 27.71, 85.32Coordenadas: 27°43′N 85°19′L / 27.71, 85.32
Estado sen litoral	Nepal
Províncias (pt)	Bagmati Province (en)
Distrito (pt)	Katmandu (pt)
Capital de	Nepal ; Reino do Nepal (pt)
Poboación
Poboación	845.767 (2021) (17.103,48 hab./km²)
Xeografía
Superficie	49.450.000 m²
Bañado por	Bisnumati River (en) e Rio Bagmati (pt)
Altitude	1.400 m
Organización política
• Alcalde	Balendra Shah (pt) (2022–)
Membro de	League of Historical Cities (en) ; Federación Mundial de Cidades Turísticas
Identificador descritivo
Fuso horario	UTC+5:45 (pt) ; Horário do Nepal (pt)
Prefixo telefónico	01
Outro
Irmandado con	Isfahán ; Eugene ; Xi'an ; Matsumoto ; Pyongyang ; Chengdu (2016–)
Páxina web	kathmandu.gov.np

Katmandú^[1] (en nepalés: काठमांडौ) é a capital e a maior cidade do Nepal. É a única cidade do país co status administrativo de Mahanagar (cidade metropolitana). Katmandú é o núcleo da meirande aglomeración urbana do Nepal, localizada no Val de Katmandú, e que está formada por Lalitpur, Kirtipur, Madhyapur Thimi, Bhaktapur e un gran número de pequenas comunidades. Segundo o censo de 2011, a cidade metropolitana de Katmandú tiña unha poboación de 1 003 285 e unha área de 49,45 km².

Xeografía editar

Localízase no val de Katmandú no Nepal central, próxima ao río Vishnumati, a 1370 metros de altitude^[2]. Está rodeada por catro grandes montañas: Shivapuri, Phulchoki, Nagarjun e Chandragiri. O val de Katmandú forma parte de tres distritos (Katmandú, Lalitpur e Bhaktapur).

A súa poboación medra de xeito rápido, máis que duplicándose nas estatísticas entre 2011 e 2019. Ten a maior densidade de poboación do país, sendo o fogar dunha doceava parte dos habitantes.

Historia editar

Foi fundada en 723 polos newares. A cidade antiga é característica pola gran cantidade de templos e palacios budistas e Hindús, a maioría deles do século XVII. Moitos destes monumentos foron estragados desafortunadamente por terremotos e a contaminación. No val de Katmandú hai sete sitios clasificados pola UNESCO como Patrimonio da Humanidade.

Katmandú converteuse nun sitio moi visitado polos turistas desde os anos 1960 a raíz do movemento hippie.