Nabucodonosor II
Nabucodonosor II, nado no ano 630 a.C. e finado no 562 a.C, foi un rei de Babilonia da dinastía caldea. Os seus 43 anos de reinado foron os do máximo esplendor do imperio neobabilónico.
Nabucodonosor II | |
---|---|
![]() | |
Nacemento | 627 a. C. |
Lugar de nacemento | Babel |
Falecemento | 560 a. C. |
Lugar de falecemento | Babel |
Nacionalidade | Segundo Império Babilônico |
Relixión | Antiga religião mesopotâmica |
Ocupación | monarca |
Pai | Nabopolasar |
Cónxuxe | Amitis da Média |
Fillos | Evil-Merodaque e Eanna-sharra-usur |
Irmáns | Nabu-suma-lisir |
Coñecido por | Xardíns colgantes da Babilonia e Porta de Ishtar |
[ editar datos en Wikidata ] | |
CampañasEditar
Fillo máis vello e sucesor de Nabopolasar. Casado coa filla ou neta de Ciaxares, rei de Media, foi un hábil negociador e diplomático. O seu pai enviouno a conquistar Siria en poder dos exipcios tras a disgregación do imperio de Asiria. Vencedor da batalla de Carquemis (-605), someteu Siria e Fenicia. Ese mesmo ano subiu ao trono, trala morte de Nabopolasar.
Derrotou a cimerios e escitas. Tras consolidar a súa amizade cos medos, dirixiu as súas expedicións cara Occidente. Conquistou Xerusalén no ano -597. Coincidindo con outro intento de invasión por parte dos exipcios, un novo levantamento de Xudá rematou coa destrución de Xerusalén e o seu Templo, así como coa deportación de moitos cidadáns prominentes a Babilonia. Durante 13 anos cercou a cidade de Tiro, que acabou recoñecendo a autoridade de Nabucodonosor. Realizou varias operacións de castigo sobre Exipto.
ConstruciónsEditar
Nabucodonosor foi un soberano moi devoto (especialmente do gran deus Marduk) que ergueu e restaurou gran número de templos. Fixo de Babilonia unha das grandes marabillas da historia da humanidade. O pazo real, a ponte e o túnel que cruzaban o Éufrates, canles, a porta de Ishtar con ladrillos esmaltados, o cigurat de Etemenanki de 90 metros de altura (posiblemente a torre de Babel da Biblia) e os irrepetibles xardíns colgantes de Babilonia realizados para aliviar a morriña de raíña Amitis, que suspiraba polas primaveras das montañas de Media, onde se criara. Nada diso sería posible sen a actividade obreira de numerosos cativos traídos das terras conquistadas.
Sucedeuno o seu fillo Amel-Marduk
NotasEditar
Véxase taménEditar
Wikimedia Commons ten máis contidos multimedia na categoría: Nabucodonosor II |