Nóvgorod-Siversky

Para outras páxinas con títulos homónimos véxase: Nóvgorod (homónimos).

Novhorod-Siverskyi ou Novhorod-Siverskyi, (en ucraíno: Новгород-Сіверський, en ruso: Новгород-Северский, en polaco: Nowogród Siewierski) é unha cidade de Ucraína, situada no Óblast de Chernihiv, ocupado por tropas rusas entre febreiro e maio de 2022. O Día da Cidade celébrase o 16 de setembro.

Nóvgorod-Siversky

Новгород-Сіверський (uk)
Bandeira Brasón
Localización
51°59′50″N 33°16′00″L
Estado	Ucraína
Óblasts	Oblast de Tchernihiv (pt)
Raião da Ucrânia (pt)	Novhorod-Siverskyi Raion (en)
Capital de	Novgorod-Severskij County (en) Novhorod-Siverskyi Raion (en) Novhorod-Siverskyi Raion (en)
Poboación
Poboación	12.647 (2021) (1.070,87 hab./km²)
Xeografía
Superficie	11,81 km²
Altitude	140 m
Datos históricos
Creación	989
Evento clave Congresso de Liubeche (pt) Q16627006 Truce of Andrusovo (en) 1237 Invasión mongol da Rus 1500 Muscovite-Lithuanian War of 1500-1503 (en) 11 de decembro de 1618 Trégua de Deulino (pt) 1632 Smolensk War (en) 14 de xuño de 1634 Treaty of Polyanovka (en) 1648 Revolta de Khmelnitski (pt) 1654 Guerra ruso-polaca 2 de xaneiro de 1787 Crimean journey of Catherine the Great (en) 25 de agosto de 1941 Q96678475
Identificador descritivo
Código postal	16000
Fuso horario	UTC+02:00, horario estándar UTC+03:00, horario de verán horario de verán
Identificador KOATUU	7423610100

Xeografía

Ten uns 12 km² de superficie. A cidade está situada á beira do río Desna, a 270 km ao nordeste de Kíiv e a 60 km da fronteira con Rusia.

Transporte

A distancia até Chernihiv por ferrocarril é de 289 km e 165 km por estrada; até Kíiv por ferrocarril - 332 km, por estrada - 305 km.

Demografía

A súa poboación en 2020 estimábase en 12.862 habitantes e en 2021 12.647 habitantes.

Estación de tren

Historia

Prehistoria

O asentamento de Novgorod-Severskaya é un xacemento do Paleolítico superior (hai 38-10 mil anos) no bordo alto do Desna, no territorio da moderna cidade de Novgorod-Seversky, detrás do edificio dunha antiga escola.

Descuberto en 1933, foi investigado entre os anos 30 e 50 por I. Pidoplichko (1905-1975) - zoólogo, paleontólogo e arqueólogo soviético ucraíno.

Os restos arqueolóxicos localizáronse en covas de grandes bloques de arenitos, que probabelmente foron a vivenda e as instalacións de almacenamento dos habitantes do asentamento de Novgorod-Seversk.

Foron atopados incisivos de sílex, raspadores, puntas, tres grandes ferramentas líticas (xigantólitos), unha costela de mamut adornada por muescas lineais e restos humanos e animais. Están gardados no Museo Central de Ciencia e Historia Natural da Academia de Ciencias da RSS de Ucraína en Kíiv.

Idade Media

No xacemento de Nódgorov-Siversky tamén se atoparon restos humanos e obxectos persoais como pulseiras da época da Rus de Kíiv.

A primeira mención nas crónicas da cidade é de 1044. Desde 1098 foi a capital do Principado de Novgorod-Siversky, que serviu como zona de amortecemento contra as incursións dos cumanos (polovtsy ) e outros pobos da estepa. Unha das numerosas campañas dos príncipes locais contra os cumanos deu lugar á grande obra da Literatura eslava oriental, Slovo o plŭku Ígorevě (a "Canción das hostes de Igor"), levada á ópera no século XIX por Aleksandr Borodin, Nikolai Rimskii-Korsakov e Aleksandr Glazunov como Knyaz Igor.

Despois da destrución da cidade polos mongois en 1239, o Principado de Novgorod-Siversky pasou aos príncipes de Bryansk e máis tarde ao Gran Ducado de Lituania. Foi gobernado por Dymitr Korybut (Kaributas), fillo de Algirdas.

Idade moderna

Moscova gañou o control da rexión despois da batalla do río Vedrosha en 1503, pero tivo que devolvela á Mancomunidade polaco-lituana no Período Tumultuoso.

A cidade finalmente pasou a mans rusas despois da Guerra ruso-polaca de 1654-1667.

Idade contemporánea

Foi nomeada capital dun namestnichestvo ou Vicerreinado separado entre 1782 e 1797. A partir de entón a súa influencia decaeu.

Durante a Segunda guerra mundial foi unha das múltiples localizacións do Holocausto. Co fin da Unión Soviética pasou a formar parte do estado ucraíno.

Galería

• 
  Novhorod-Siverskyi. Mosteiro da Sagrada Transfiguración
• 
  Arco de triunfo
• 
  Mosteiro da Sagrada Transfiguración, vista frontal
• 
  Casa do seminario
• 
  Catedral da Asunción
• 
  Mosteiro da Sagrada Transfiguración
• 
  Gymnasium feminino
• 
  Museo
• 
  Igrexa de Nicolao

Arquitectura

O principal punto de interese da cidade é a antiga residencia do Arcebispo metropolitano de Chernigov, o Mosteiro da Transfiguración do Salvador. Está formada por unha magnífica catedral neoclásica construída entre 1791 e 1796 segundo proxectos de Giacomo Quarenghi, con muros de pedra do século XVII e outros edificios eclesiásticos construídos no s. XVII.

Outros puntos de interese son a catedral da Asunción en estilo barroco (barroco cosaco), un arco de triunfo de 1787 e a igrexa de madeira de San Nicolao, de 1760.