Mosteiro de San Paio de Abeleda

Mosteiro de San Paio de Abeleda
	San Paio de Abeleda
Tipo	mosteiro
Localización
	42°23′22″N 7°26′55″O / 42.3894, -7.4486
Situado en	San Paio de Abeleda
Patrimonio cultural
Elemento da Lista Vermella do Patrimonio
Data	17 de decembro de 2007
Identificador	monasterio-de-san-paio
Fontes e ligazóns
Redes
	[ Wikidata ] [ G:Commons ] [ C:Commons ]

O mosteiro de San Paio de Abeleda son os vestixios dun mosteiro medieval construído no século XII na parroquia de San Paio de Abeleda, no concello de Castro Caldelas.^[1]

Na actualidade atópase en estado ruinoso. Foi un dos centros monásticos máis influentes da provincia, e coa reforma monástica pasou a converterse en abadía ata que a finais do século XIX, trala desamortización, os Duques de Alba apoderáronse dos bens do mosteiro.

A igrexa

A igrexa, construída en estilo románico do século XII (con reformas posteriores) é de planta de cruz latina. Componse dunha soa nave con tres corpos, separados cada un deles cun arco de medio punto con arquivoltas adornadas de impostas axadrezadas e capiteis con flores e quimeras. O retablo maior é do século XVII. A igrexa foi obxecto dunha profunda reforma no século XIV, conservándose da fábrica románica unha porta dos séculos XIII-XIV.

A fachada do claustro conventual é de estilo gótico e presenta un arco oxival con decoración de cuadrifolios.

No ano 2005, foi vítima do espolio de varios retablos barrocos e neoclásicos, e algunha columna do antigo claustro conventual.^[2]