Ministerio de Cultura e Deporte de España
O Ministerio de Cultura e Deporte de España é o departamento ministerial encargado da promoción, protección e difusión do patrimonio histórico español, dos museos estatais e das artes, do libro, a lectura e a creación literaria, das actividades cinematográficas e audiovisuais e dos libros e bibliotecas estatais, a promoción e difusión da cultura en español, así como o impulso das accións de cooperación cultural e, en coordinación co Ministerio de Asuntos Exteriores, Unión Europea e Cooperación, das relacións internacionais en materia de cultura. Así mesmo corresponde a este Ministerio a proposta e execución da política do Goberno en materia de deporte.
| Ministerio de Cultura e Deporte de España | |
|---|---|
| |
| Información xeral | |
| Sitio web | |
| http://www.mecd.gob.es/ |
O Ministerio de Cultura é un dos ministerios máis importantes do Goberno de España debido ao gran patrimonio cultural que posúe, e por iso decidiuse unificar todos os ámbitos culturais nun só ministerio en 1977. Esta autonomía mantívose até 1996, cando o goberno de Jose María Aznar fusionouno co ministerio de Educación e mantívose así até 2004, cando o Presidente Zapatero devolveulle a súa autonomía.
Esta situación foi revertida de novo en 2011, co goberno de Mariano Rajoy que o volveu a fusionar co ministerio de educación, dando lugar ao Ministerio de Educación, Cultura e Deporte.
Coa chegada do socialista Pedro Sánchez á presidencia, o ministerio recuperou a autonomía, pois era intención do Presidente devolverlle o protagonismo que perdera desde a súa fusión con educación.[1]
Desde as súas orixes, as competencias en deportes estiveron sempre ligados a este ministerio, salvo contadas excepcións.
FunciónsEditar
Segundo o Real Decreto 817/2018, de 6 de xullo,, corresponde ao Ministerio de Cultura e Deporte:[2]
- A promoción, protección e difusión do patrimonio histórico español, dos museos estatais e das artes, do libro, a lectura e a creación literaria, das actividades cinematográficas e audiovisuais e dos arquivos e bibliotecas estatais, a promoción e difusión da cultura en español, así como o impulso das accións de cooperación cultural.
- A proposta e execución da política do Goberno en materia de deporte.
Así mesmo e, en coordinación co Ministerio de Asuntos Exteriores, Unión Europea e Cooperación, correspóndelle a este Departamento as relacións internacionais en materia de cultura.
Estrutura orgánicaEditar
1. O Ministerio de Cultura e Deporte estrutúrase nos seguintes órganos directivos:[3]
- A Subsecretaría de Cultura e Deporte.
- A Secretaría Xeral Técnica.
- A Dirección Xeral do Libro e Fomento da Lectura.
- A Dirección Xeral de Industrias Culturais e Cooperación.
- A Dirección Xeral de Belas Artes.
- Gabinete do Ministerio.
Organismos adscritosEditar
Adscríbense ao Ministerio de Cultura e Deporte estes organismos:
- O Consello Superior de Deportes
- A Axencia Estatal Antidopaxe
- O Museo Nacional do Prado
- O Museo Nacional Centro de Arte Reina Sofía
- A Biblioteca Nacional de España
- O Instituto Nacional das Artes Escénicas e da Música
- O Instituto da Cinematografía e das Artes Audiovisuais
TitularesEditar
Desde a súa creación en 2018:
- Màxim Huerta Hernández (7 de xuño de 2018 - 13 de xuño de 2018)
- José Guirao Cabrera (14 de xuño de 2018 - 12 de xaneiro de 2020)
- José Manuel Rodríguez Uribes[4] (13 de xaneiro de 2020[5] - 12 de xullo de 2021)
- Miquel Iceta (12 de xullo de 2021 - no cargo)
NotasEditar
O contido deste artigo incorpora material publicado no Boletín Oficial do Estado, que se atopa no dominio público de conformidade ao disposto no artigo 13 da Lei de Propiedade Intelectual española.
- ↑ "Pedro Sánchez recupera el Ministerio de Cultura que el PP eliminó en 2011".
- ↑ "Real Decreto 817/2018, de 6 de julio, por el que se desarrolla la estructura orgánica básica del Ministerio de Cultura y Deporte y se modifica el Real Decreto 595/2018, de 22 de junio, por el que se establece la estructura orgánica básica de los departamentos ministeriales.".
- ↑ "BOE.es - Documento BOE-A-2018-8580".
- ↑ Romero, Juanma (11 de xaneiro de 2020). "Sánchez opta por un hombre de partido, Rodríguez Uribes, como ministro de Cultura". elconfidencial.com (en castelán). Consultado o 23 de setembro de 2020.
- ↑ A., M.; G. M., A. (13 de xaneiro de 2020). "Los ministros del nuevo Gobierno prometen su cargo ante el Rey y toman posesión de sus carteras". expansion.com (en castelán). Consultado o 23 de setembro de 2020.