Mikhail Chigorin

Para describir os movementos das pezas de xadrez neste artigo usouse a notación alxébrica.

Mikhail Ivánovich Chigorin (en ruso, Михаи́л Ива́нович Чиго́рин), nado o 12 de novembro de 1850 e finado o 25 de xaneiro de 1908, foi un xadrecista ruso. Entre 1883 e 1898 foi un dos cinco mellores xogadores do mundo. É considerado o fundador da escola rusa de xadrez.

Mikhail Chigorin

Mikhail Ivánovich Chigorin
Biografía
Nacemento	12 de novembro de 1850 San Petersburgo Rusia
Morte	25 de xaneiro de 1908 Lublin
Causa da morte	Morte natural  (Diabetes mellitus )
Lugar de sepultura	Novodevichy Cemetery (en)
Datos persoais
País de nacionalidade	Rusa
Actividade
Ocupación	Xogador de xadrez
Nacionalidade deportiva	Rusia
Deporte	xadrez

Traxectoria

Naceu preto de San Petersburgo, onde se estableceu logo de terminar os seus estudos. Aprendeu a xogar ao xadrez aos 16 anos, pero non se sentiu atraído polo xogo ata logo de completar a súa educación e ocupar un posto no goberno. En 1873 apaixonouse polo xadrez, abandonou o seu traballo e converteuse nun xadrecista profesional.

O seu primeiro torneo internacional foi en Berlín en 1881, onde acabou terceiro. Finalizou segundo no torneo de Hastings de 1895, por diante do campión mundial Lasker e de Steinitz. Unicamente o gañador, Harry Nelson Pillsbury, superou a Chigorin. Ademais a Richard Teichmann (8 -3 =1) tíñalle a medida tomada, pero contra Lasker (1 -8 =4) e David Janowski cultivou parciais moi negativos (4 -17 =4). Na Habana (Cuba) disputou o Campionato do Mundo contra Wilhelm Steinitz en dúas ocasións, con resultados respectables: en 1889 perdeu 10,5-6,5 e en 1892 perdeu 12,5-10,5.

Era amante dos gambitos e gran coñecedor do gambito Evans. Chigorin deu nome a diferentes variantes de apertura. A máis importante foi a variante Chigorin da Apertura Ruy López: 1.e4 e5 2.Cf3 Cc6 3.Bb5 a6 4.Ba4 Cf6 5.O-O Be7 6.Te1 b5 7.Bb3 d6 8.c3 O-O 9.h3 Ca5). Tamén contribuíu ao Gambito de dama coa Defensa Chigorin (1.d4 d5 2.c4 Cc6).

Véxase tamén

Ligazóns externas

• Partidas de Chigorin muljadi.org
• 25 posicións críticas nas súas partidas

---

Este artigo sobre xadrez é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---