Maximino Castiñeiras
Maximino Castiñeiras García, coñecido como o poeta da Maía, nado en Ortoño (Ames) o 18 de marzo de 1906 e finado o 5 de maio de 1992, foi un practicante e poeta galego.
| Biografía | |
|---|---|
| Nacemento | 18 de marzo de 1906  Ortoño, España |
| Morte | 5 de maio de 1992 (86 anos) Ortoño, España |
| Datos persoais | |
| País de nacionalidade | España |
| Actividade | |
| Ocupación | escritor |
| Lingua | Lingua castelá e lingua galega |
 | |
Traxectoria editar
Estudou o bacharelato e maxisterio en Santiago de Compostela e exerceu a docencia en Ames. En 1929 embarcou para América como practicante. Retornado, integrouse na Unión Socialista Galega e participou no mitin autonomista de Bugallido en xaneiro de 1933 con Ángel Varcarcel, José María Santos e Xoán Xesús González.[1] Foi practicante interino do Concello de Carral, posto do que foi destituído en xullo de 1935.[2] Pertenceu a Izquierda Republicana, sendo elixido vicepresidente do grupo de Ames en abril de 1934,[3] e despois integrouse en Vanguardia de Izquierda Republicana, polo que foi represaliado nos primeiros anos do franquismo. Exerceu como ATS en América e na mariña mercante, nos transatlánticos que facían a ruta Europa-América. Colaborou en diversas publicacións como Céltiga, Galicia e Opinión Gallega. Retornou a Galicia nos anos cincuenta e foi nomeado practicante de Ames en 1956.[4] Creou o faladoiro literario "Os catorce de Osebe", do que formaron parte Laxeiro, Faustino Rey Romero e Raimundo García Domínguez. Colaborou en La Noche, Dorna e Anuario Brigantino. Co restablecemento da democracia foi concelleiro en Ames polo PSdeG-PSOE. Finou na súa casa das Puxeiras Altas o 5 de maio de 1992.[5]
Obras editar
- América vista por Valle-Inclán (1950)
- Estampas gallegas (1955)
- Mi tierra (1962)
- Del corazón al lector. Poemas, odas e cantares (1968)
- Os do meu tempo (1971)
- Filosofía - poesía y vida (1981)
- Frorilexio poético (1987)
- Os cabeiros refolgos (1990)
Notas editar
Véxase tamén editar
Bibliografía editar
- "Castiñeiras García, Maximino". Enciclopedia Galega Universal. Ir Indo. 1999-2002. ISBN 84-7680-288-9.
- Dicionario biográfico de Galicia. Ir Indo Edicións. 2010-2011.
Ligazóns externas editar
- Necrolóxica en El País
- O poeta da Maía Arquivado 04 de marzo de 2016 en Wayback Machine. en Galicia Hoxe