Matej Rudan
Matej Rudan, nado o 21 de marzo de 2001 en Zagreb, é un xogador croata de baloncesto profesional internacional. Formado nas categorías inferiores do KK Cibona, actualmente xoga para o Río Breogán da Liga ACB cedido polo Bayern München.[1] Cunha altura de 2,00 m, xoga nas posicións de ala e ala-pivote.[2]
| Río Breogán – No. 6 | |
| Información persoal | |
|---|---|
| Nacemento | 21 de marzo de 2001 (23 anos) Zagreb, Croacia
|
| Altura | 2,08 m (6 ft 10 in) |
| Peso oficial | 105 kg (231 lb) |
| Posición | Ala-pivote / Pivote |
| Liga | ACB / Champions League |
| Información da carreira | |
| Canteira | KK Cibona |
| Internacional | Croacia |
| Carreira | 2018−presente |
| Historial de equipos | |
| Bayern München (2018–presente) → Bayern München II (2018−2021) → Mega Mozzart (2021−2023) → Río Breogán (2023−presente) | |
Traxectoria editar
Nado en Zagreb, Rudan comezou a xogar baloncesto no KK Omiš-Cagalj Tours Galeb. En 2015, uniuse á canteira do principal equipo da súa cidade, o KK Cibona. Dous anos máis tarde, trasládase a Alemaña para unirse aos xuvenís do Bayern München. En 2018, Rudan ascendeu ao equipo reserva do Bayern München da ProB, terceira categoría do baloncesto alemán. No ano 2020, ascendeu ao primeiro equipo, onde fixo unha media de 3,4 puntos e 2,3 rebotes por partido. O 25 de agosto de 2021, foi cedido ao Mega Mozzart da Liga ABA, onde permaneceu até 2023. Na súa última temporada na liga adriática, fixo unha media de 12,8 puntos, 5,5 rebotes e 0,9 asistencias por encontro. Após finalizar a temporada, foi cedido de novo, esta vez ao Río Breogán da Liga ACB.[1]
Clubs editar
Ao longo da súa carreira, Rudan ten xogado para os seguintes equipos profesionais:[2]
Bayern München II (ProB, 2018–2021)- Bayern München (BBL, 2020−2021)
Mega Mozzart (ABA Liga, 2021−2023)
CB Breogán (ACB, 2023−presente)
Notas editar
- ↑ 1,0 1,1 "O internacional croata Matej Rudan únese ao Río Breogán". CB Breogán. 14 de xuño de 2023. Consultado o 27 de xuño de 2023.
- ↑ 2,0 2,1 "Matej Rudan, Basketball Player". Proballers (en inglés). Consultado o 27 de xuño de 2023.