Maruxa Barrio
Maruxa Barrio Val, nada en Berredo (Agolada) o 12 de setembro de 1949, e finada en Cangas o 1 de xaneiro de 2023,[1] foi unha mestra e escritora galega.
| Biografía | |
|---|---|
| Nacemento | (es) Maruxa Barrio Val  12 de setembro de 1949 Berredo, España |
| Morte | 1 de xaneiro de 2023 (73 anos) Cangas, España |
| Datos persoais | |
| País de nacionalidade | España |
| Actividade | |
| Ocupación | Escritora e mestra |
| Lingua | Lingua galega |
| Familia | |
| Cónxuxe | Henrique Harguindey |
| Fillos | Breixo Harguindey Barrio |
Traxectoria editar
Trasladouse coa familia primeiro a Ferrol e despois a Coruña. integróuse no Teatro Circo dirigido por Manuel Lourenzo. Aprobou as oposicións a Maxisterio en 1978 e foi mestra nos colexios públicos de Nazaret (Cangas), O Hío, San Roque (Darbo) e no IES Monte Carrasco, centro do que foi directora. En 1982 participou na fundación da Asociación Cívico-Cultural Xiria e despois na Mostra de Teatro Cómico Festivo de Cangas.[2]
Preocupada pola docencia infantil en galego, publicou en colaboración con Henrique Harguindey Textos pra o ensino de galego (1976), Lerias e enredos para os máis pequenos (1981) e Contos populares (1983), reeditado en 1994 como Antoloxía do conto popular galego.[3] En 1979 publicou Xeografía descriptiva de Galicia.
Obra editar
- Textos pra o ensino de galego (1976)
- Xeografía descriptiva de Galicia (1979)
- Lerias e enredos para os máis pequenos (1981)
- Contos populares, Biblioteca Básica da Cultura Galega (1983)
- Antoloxía do conto popular galego (1994)
- O mal do zapateiro e outros contos (1998)
Vida persoal editar
Casou con Henrique Harguindey. O autor de banda deseñada Breixo Harguindey é o fillo deles.
Notas editar
- ↑ "Fallece la profesora y escritora Maruxa Barrio". Faro de Vigo. 1 de xaneiro de 2023. Consultado o 3 de xaneiro de 2023.
- ↑ Maruxa Barrio, muxica leda
- ↑ isbns.net (ed.). "Books by Maruxa Barrio Val". Consultado o 20 de febreiro de 2016.
Véxase tamén editar
Bibliografía editar
- Vilavedra, Dolores, ed. (1995). Diccionario da Literatura Galega. Autores I. Vigo: Editorial Galaxia. p. 73. ISBN 84-8288-019-5.