Mar Amarelo
O mar Amarelo ou Mar Occidental é a parte norte do mar da China, que á súa vez é un mar menor do océano Pacífico. Atópase entre a China continental e a península de Corea. O seu nome provén das partículas de area que lle dan esa cor característica e que chegan do río Amarelo.
| Mar Amarelo | |
|---|---|
| 黄海 - 황해 | |
 | |
| Localización administrativa | |
| Estado |  China Corea do Norte Corea do Sur |
| División | Provincias de Jiangsu, Shandong, Tianjin, Hebei, Pequín, e Liaoning (CHN) Rexión Administrativa Especial de Sinŭiju e provincias de P'yŏngan do Norte, P'yŏngan do Sur e Hwanghae do Sur (PRK) Provincias de Gyeonggi, Chungcheong do Sur, Jeolla do Norte, Jeolla do Sur e Jeju (KOR) |
| Localización xeográfica | |
| Océano / Mar | Océano Pacífico |
| Continente | Asia |
| Illa/s | Illa de Jeju |
| Xeografía | |
| Mares contiguos | Mar da China Oriental |
| Subdivisións | Mar de Bohai |
| Afluentes | Río Amarelo (5 464 km), río Liao (1 345 km), río Hai (1 329 km) e río Luan (600 km) |
| Cidades ribeiregas | Sheyang, Qindao, Weihai, Yantai, Longkou, Qinhuangdao, Dalian (CHN) Namp'o e Haeju (PRK) Incheon, Gunsan e Mokpo (KOR) |
| Accidentes | |
| Golfos e baías | Baías de Hangzhou, Haizhou, Laizhou, Liaodong, Kyônggi e Corea |
| Penínsulas | Península de Corea e península de Liaodong |
| Estreitos | Estreito de Corea e estreito de Bohai |
| Características | |
| Superficie | 417 000 km² |
| Profundiade máxima | 105 m |
| Profundidade media | 48 m |
| Mapa | |
 Localización do mar Amarelo | |
 Mapa do mar Amarelo | |
A baía máis interior do mar Amarelo recibe o nome de mar de Bohai (antes coñecido coma baía de Pechihli ou baía de Chihli). Aquí desembocan o río Amarelo (a través da provincia de Xandón e a súa capital Jinan) e o Hai He (a través de Beixín e Tianxín).
A baía de Liaodón, entre a provincia chinesa de Liaonín e o noroeste de Corea do Norte tamén fai parte do mar Amarelo. O mar de Bohai e a baía de Liaodón están separados pola península de Liaodón, con Dalian no seu punto máis ó sur.
Contorno
editarAs marismas intermareais do mar Amarelo son de grande importancia para a migración das aves e dos paxaros de praia. As investigacións sinalan que esta área é o espazo máis importante para este tipo de paxaros limícolas na súa migración cara ó norte en todo o voo Asia Oriental - Australasia, por onde como mínimo pasan de cada vez dous millóns de aves e a metade na migración cara ao sur.
Xeografía
editarA extensión setentrional do Mar Amarelo chámase Baía de Corea.
O Mar Amarelo é un dos catro mares nomeados co termo dunha cor común, os outros son o Mar Negro, o Mar Vermello e o Mar Branco.
Extensión
editarA Organización Hidrográfica Internacional define os límites do Mar Amarelo (que tamén se coñece como "Hwang Hai") do seguinte xeito:[1]
- "No sur". O paralelo de 33° 17' norte desde Saisyu To (Quelpart) [agora coñecido como Jeju-do] á China continental.
- "No sueste". Desde o extremo occidental de Quelpart ata Ka Nyo ou illa Pinnacle Oeste (34°13'N) no grupo Mengoru, desde alí cara ao punto norte de Oku To (34°22'N), ata a punta oeste das illas Small South Stone (Syo-Zyonan To) e a punta norte da illa Great South Stone (Zyonan To) (34°24'N) ata un punto da costa da Tin To (34°25'N) ao longo da costa noroeste desta illa ata o extremo norte da mesma, e desde alí nunha liña cara ao nordés cara á parte continental de Tyosen (Corea).
Notas
editar- ↑ "Limits of Oceans and Seas" (PDF) (3rd ed.). International Hydrographic Organization. 1953. Arquivado dende o orixinal (PDF) o 08 de outubro de 2011. Consultado o 7 February 2010.
Véxase tamén
editarWikimedia Commons ten máis contidos multimedia na categoría: Mar Amarelo  |
Bibliografía
editar- Barter, M.A. (2002). Shorebirds of the Yellow Sea - importance, threats and conservation status. Wetlands International Global Series 9. International Wader Studies 12. Canberra.
- Barter, M.A. (2005). Yellow Sea - driven priorities for Australian shorebird researchers. pp. 158–160 in: "Status and Conservation of Shorebirds in the East Asian - Australasian Flyway". Proceedings of the Australasian Shorebird Conference, 13-15 de decembro de 2003, Canberra, Australia. International Wader Studies 17. Sydney.