Campionato Descentralizado
O Campionato Descentralizado é a primeira división da liga profesional de fútbol que se disputa no Perú, organizado pola Asociación Deportiva de Fútbol Profesional, organismo que pertence á Federación Peruana de Fútbol. Recibe o nome de Copa Movistar por mor do seu patrocinador principal.
| Campionato Descentralizado | |
|---|---|
| Fundación | 1912 |
| Rexión |  Perú |
| Equipos | 16 |
| Actual campión | Alianza Lima (25º título) |
| Máis laureado | Universitario (26) |
| Sitio web | www.fpf.com.pe |
O torneo fundouse en 1912, e até o ano 2022 lévanse disputadas 105 tempadas. Os clubs máis laureados na historia do campionato son o Club Universitario de Deportes (26 títulos), o Club Alianza Lima (25 títulos) e o Club Sporting Cristal (20 títulos), ámbolos 3 clubs da cidade de Lima. O primeiro campión foi o Lima Cricket FC, mentres que o campión actual é o Alianza Lima.
Dende 1912 até 1965 foi un campionato no que só competían equipos da rexión de Lima e da veciña provincia de Callao. En 1966 foron convidados a competir na liga por vez primeira 4 equipos do resto do país, converténdose entón o "Campionato Peruano de Fútbol" no "Campionato Descentralizado de Fútbol Profesional". Entre os anos 1997 e 2008 o formato consistía en dous torneos, Apertura e Clausura, cunha final entre os dous gañadores (se era preciso) para definir cal era o campión. Dende 2009 o campionato consiste nunha liga de 16 equipos que disputan 30 xornadas, sendo campión o equipo que remata de líder na táboa clasificatoria trala derradeira xornada.
Os 3 primeiros clasificados na liga acadan o dereito a competir na Copa Libertadores do ano seguinte. Os seguintes 4 equipos da táboa acadan un posto para disputar a Copa Suramericana do ano seguinte. Os 2 últimos equipos da clasificación perden a categoría.
Equipos 2012 editar
A competición comeza en febreiro e remata en decembro. Os seguintes 16 equipos disputarán a edición 2012 do torneo:
.svg){kind=small}
Palmarés editar
Un equipo irrompeu recentemente con forza no palmarés do torneo peruano, o CD Universidad San Martín, con 3 títulos nos últimos 5 anos. Non obstante, o palmarés da liga segue a estar dominado polos 3 grandes clubs clásicos da cidade de Lima:
| Nº de Títulos | Equipo | Campionatos obtidos |
|---|---|---|
| 26 | Universitario de Deportes | 1929, 1934, 1939, 1941, 1945, 1946, 1949, 1959, 1960, 1964, 1966, 1967, 1969, 1971, 1974, 1982, 1985, 1987, 1990, 1992, 1993, 1998, 1999, 2000, 2009, 2013 |
| 25 | Alianza Lima | 1918, 1919, 1927, 1928, 1931, 1932, 1933, 1948, 1952, 1954, 1955, 1962, 1963, 1965, 1975, 1977, 1978, 1997, 2001, 2003, 2004, 2006, 2017, 2021, 2022 |
| 20 | Sporting Cristal | 1956, 1961, 1968, 1970, 1972, 1979, 1980, 1983, 1988, 1991, 1994, 1995, 1996, 2002, 2005, 2012, 2014, 2016, 2018, 2020 |
| 6 |  Sport Boys
|
1935, 1937, 1942, 1951, 1958, 1984 |
| 4 | Deportivo Municipal | 1938, 1940, 1943, 1950 |
| 3 | Universidad San Martín | 2007, 2008, 2010 |
| 2 | Lima Cricket FB | 1912, 1914 |
| 2 | Sport José Gálvez† | 1915, 1916 |
| 2 | Sport Progreso† | 1921, 1926 |
| 2 | Atlético Chalaco
|
1930, 1947 |
| 2 | Mariscal Sucre FBC† | 1944, 1953 |
| 2 |  Unión Huaral
|
1976, 1989 |
| 1 | Jorge Chávez Nº1† | 1913 |
| 1 | Sport Juan Bielovucic† | 1917 |
| 1 | Centro Sport Inca† | 1920 |
| 1 | Centro Iqueño | 1957 |
| 1 | Defensor Lima | 1973 |
| 1 |  FBC Melgar
|
1981 |
| 1 | Deportivo San Agustín | 1986 |
| 1 |  CSDC Juan Aurich
|
2011 |
† = Equipo desaparecido.
Véxase tamén editar
Ligazóns externas editar
- Federación Peruana de FútbolArquivado 05 de febreiro de 2007 en Wayback Machine. (en castelán)
- Estatísticas do fútbol peruano (en castelán)