Konrad Keilhack

Konrad Keilhack
Nome orixinal	Friedrich Ludwig Heinrich Konrad Keilhack
Biografía
Nacemento	16 de agosto de 1858; Oschersleben, Saxonia
Morte	10 de marzo de 1944; Berlín
Lugar de sepultura	Cemiterio berlinés de Frohnau
Datos persoais
País de nacionalidade	alemá
Educación	Universidade Humboldt de Berlín
Actividade
Campo de traballo	Xeoloxía
Lugar de traballo	Rodesia
Ocupación	xeólogo, profesor universitario
Empregador	Academia de Berg
Membro de	Leopoldina ; Corps Saxonia Jena (en)
Lingua	Lingua alemá
Familia
Fillos	Ludwig Keilhack (pt)

Friedrich Ludwig Heinrich Konrad Keilhack, nado o 16 de agosto de 1858 en Oschersleben, Saxonia, e finado o 10 de marzo de 1944 en Berlín, foi un xeólogo alemán.

Traxectoria

Keilhack defendeu en 1881 a súa tese de doutoramento en Filosofía na Universidade Humboldt de Berlín. Uniuse á Geologische Landesanstalt prusiana, onde se converteu en Landesgeolog (xeólogo estatal) en 1890 e, en 1914 director de departamento e líder do traballo de cartografía. En 1896 foi nomeado profesor asociado, e en 1900 en profesor da Academia de Berg.^[1]

As súas investigacións tratáronse case exclusivamente das formacións cuaternarias do norte de Alemaña. Escribiu o Lehrbuch der praktischen Geologie (1896; cuarta edición de 1922) e publicou a partir de 1901 na revista Geologisches Zentralblatt.^[1]

En 1892 foi elixido membro da Leopoldina, na sección de Xeoloxía e Paleontoloxía.^[2]

Keilhack foi o fundador do "Calendario dos Xeólogos" (Geologenkalender) e do Geologische Zentralblatt (1901-1937).

Foi presidente da Sociedade Xeolóxica de Alemaña de 1917 a 1919.

Morreu aos 86 anos nun atentado en Berlín. Está enterrado no cemiterio berlinés de Frohnau.

Algunhas obras

1896. Lehrbuch der praktischen Geologie - Arbeits- und Untersuchungsmethoden auf dem Gebiete der Geologie, Mineralogie und Palaeontologie. Stuttgart: Enke, (4ª ed. en 2 vol., 1921-1922).
1901. Einführung in das Verständniss der geologischen-agronomischen Specialkarten des Norddeutschen Flachlandes: eine Erläuterung ihrer Grundlagen und ihres Inhaltes. Berlín: Königlich Preußische Geologische Landesanstalt.
1907. Handbuch für den Deutschen Braunkohlebergbau. Halle. (en col. con Leopold van Werveke et al. (2ª ed. en 1912).
1912. Lehrbuch der Grundwasser- und Quellenkunde: für Geologen, Hydrologen, Bohrunternehmer, Brunnenbauer, Bergleute, Bauingenieure und Hygieniker. Stuttgart: Gebrüder Borntraeger Verlagsbuchhandlung. (3ª ed. en 1935).

Abreviatura

A abreviatura Keilhack emprégase para indicar a Konrad Keilhack como autoridade na descrición e taxonomía en zooloxía.

Notas

↑ ^1,0 ^1,1 Keilhack, Konrad en Nordisk familjebok (en noruegués).
↑ Konrad Keilhack na web da Leopoldina.

Véxase tamén

Bibliografía

Gerhard Engelmann (1977): "Keilhack, Konrad", en Neue Deutsche Biographie (NDB), vol. 11. Berlín: Duncker & Humblot, pp. 408–409.
Paul Woldstedt (1947): "Konrad Keilhack - gestorben 10. März 1944". Zeitschrift der Deutschen Gesellschaft für Geowissenschaften 99: 229-232.

Ligazóns externas

Biografía Arquivado 05 de xullo de 2022 en Wayback Machine. (en alemán).

[N-1] 1,0 ^1,1 Keilhack, Konrad en Nordisk familjebok (en noruegués).

[2] Konrad Keilhack na web da Leopoldina.

[1]

[2]