Juan Ramón Somoza

Juan Ramón Somoza, nado en San Cosme de Barreiros (Barreiros) e finado o 12 de marzo de 1927, foi un xornalista e escritor galego.

Juan Ramón Somoza
Lugar de nacemento	Barreiros
Falecemento	12 de marzo de 1927
Nacionalidade	España
Ocupación	xornalista
[ editar datos en Wikidata ]

Traxectoria

Estudou no Seminario de Mondoñedo. Foi membro do Grupo Republicano Federal de Lugo. A finais do século XIX exiliouse en Cuba. Na Habana coñeceu a Curros Enríquez e colaborou no Diario de la Marina e El Comercio, publicou artigos en Galicia (1902 a 1905), da que foi xefe de redacción. Fundou o semanario La República Española e dirixiu o semanario España Republicana en América (1904). Na Habana publicou Horas de ocio (1905). Trasladouse a Lugo en 1906, onde foi xefe de Obras Públicas, e continuou o seu labor como xornalista: colaborou en La Alborada, Alma Gallega, Aires da Miña Terra, El Eco de Galicia e El Regional, La Ilustración Gallega e Revista Gallega, dirixiu La Democracia, foi redactor de El Progreso, El Norte de Galicia e redactor xefe de La Provincia. Moitas das súas colaboracións están asinadas como Juan R. Somoza. Tamén utilizou os pseudónimos Marqués de Barreiros, San Cosme e Pardo de Cela.

Obras

• Horas de ocio, 1905.
• Miscelánea. Colección de artículos literarios, 1908.
• Serpentinas. Crónicas, impresiones literarias, notas de arte, cuentos, impresiones de viaje, 1910.
• Semblanzas, 1915.
• Mis devociones, 1920.

Vida persoal

Casou con Celsa Amieiro.

Véxase tamén

Ligazóns externas

• La prensa de A Mariña en la emigración(en castelán)