Alma Gallega (A Habana, 1917)

Para outras páxinas con títulos homónimos véxase: Alma Gallega.

Alma Gallega foi unha publicación semanal editada na Habana en 1917, escrita integramente en lingua castelá.

Alma Gallega, Habana, 27/1/1917.

Historia e características

Subtitulada Órgano radical de las aspiraciones de la Región, apareceu o 6 de xaneiro de 1917. Na portada aparece unha alegoría coa figura de Concepción Arenal. Estaba dirixida por Luís E. Rey. Incluía poesía amatoria, temas da emigración e actividades do Centro Gallego. Publicou poemas de Salvador Rueda, Enrique Mal de Vizoso e José María Calveiro e traballos de temática diversa de Abdón Rodríguez Santos, Jesús Peynó Piñeiro, Constantino Horta, Alfonso Camín e Juan Joaquín Otero. A revista foi favorable á acción do Centro Galego, e divulgou as súas actividades. Só saíron uns poucos números.

Véxase tamén

Bibliografía

• "Alma Gallega". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 
• Domingo Cuadrillero, J. (2002). Los españoles en las letras cubanas durante el siglo XX. Sevilla: Renacimiento. p. 236. ISBN 84-8472-069-1. 
• Neira Vilas, Xosé (1985). A prensa galega de Cuba. Sada: Ediciós do Castro. ISBN 84-7492-264-X. 
• —————— (2011). A prensa galega de Cuba. Centro Ramón Piñeiro. ISBN 978-84-453-5020-1. Arquivado dende o orixinal o 22 de abril de 2018. Consultado o 21 de abril de 2018. 
• Santos Gayoso, Enrique (1990). Historia de la prensa gallega 1800-1986. Sada: Do Castro. ISBN 84-7492-489-8. 

Outros artigos

• Alma Gallega (A Habana, 1910)
• Alma Gallega (A Habana, 1939)

Ligazóns externas

• Xornais e revistas de Cuba enciclopediadaemigraciongalega.com