Juan Nicasio Gallego
Juan Nicasio Gallego Fernández, nado en Zamora o 14 de decembro de 1777 e finado en Madrid o 9 de xaneiro de 1853, foi un poeta español da Ilustración. Tivo grande importancia na transición do Neoclasicismo ao Romanticismo.
  | |
| Biografía | |
|---|---|
| Nacemento | 14 de decembro de 1777 Zamora, España |
| Morte | 9 de xaneiro de 1853 (75 anos) Madrid, España |
| Lugar de sepultura | cemiterio de San Justo de Madrid |
 Senador de España | |
| 25 de novembro de 1845 – 9 de xaneiro de 1853 | |
Chaplain of the King of Spain (en)  | |
| maio de 1805 – Nomeado por: Carlos IV de España | |
 Deputado no Congreso dos Deputados | |
| Deputado | |
| | |
| Datos persoais | |
| País de nacionalidade | España |
| Relixión | Igrexa católica |
| Educación | Universidade de Salamanca |
| Actividade | |
| Lugar de traballo | Madrid |
| Ocupación | Sacerdote, poeta |
| Membro de | |
| Xénero artístico | Poesía |
| Lingua | Lingua castelá |
Traxectoria editar
Vida persoal editar
Era o primoxénito de Felipe Gallego e Francisca Hernández del Crespo, de orixe fidalga; os seus contemporáneos descríbeno como alto e corpulento, asmático, cordial e bondadoso, enxeñoso, falador e, en ocasións, irónico.
Formación editar
Tivo unha formación clásica en latín e humanidades con bos profesores dende o principio, como Manuel Peláez, profesor dos Reales Estudios de Zamora. Posteriormente estudou na Universidade de Salamanca e cunha bolsa na Universidade de Osma, para finalmente doutorarse en Filosofía e Dereito Civil e Canónico (1800).
Vida relixiosa, política e literaria editar
En 1804 foi ordenado sacerdote e en maio de 1805 opúxose con éxito a unha capelanía real en Madrid; en outubro Carlos IV distinguiuno co nomeamento de director espiritual dos paxes do Palacio Real; para entón comezou a publicar os seus poemas no Memorial Literario. En Madrid estableceu unha grande amizade con Meléndez Valdés e outros xenios prerrománticos: Nicasio Álvarez de Cienfuegos e Manuel José Quintana. No histórico día do 2 de Maio, Nicasio Gallego dedicouse á súa Capellanía en Palacio, e escribiu a súa oda, Influencia do entusiasmo público nas artes.
Trasladouse a Sevilla e despois a Cádiz; recibiu entón algunhas gratificacións, como a de racioneiro da catedral de Murcia, e foi nomeado deputado constituínte (como procurador adxunto) por Zamora e traballou na comisión encargada de clasificar os informes relacionados coa convocatoria das Cortes de Cádiz, para o que fora nomeado e na elaboración do proxecto de lei de liberdade de prensa. Alí viviu unha febril actividade, integrando oito comisións e intervindo na discusión de 71 cuestións, até o regreso do rei Fernando VII, que o perseguiu por liberal; estivo por iso ano e medio preso e pasou catro anos recluído; primeiro, na Cartuja de Xerez ; A súa saúde afectada, foi trasladado, a petición propia, ao Mosteiro da Luz de Moguer e de alí ao Convento de Loreto en Sevilla. Tras a escritura de Rafael del Riego foi posto en liberdade en 1820 .
Foi arcediácono de Valencia e cóengo de Sevilla, traduciu Los novios de Alessandro Manzoni e cultivou a crítica literaria. Tamén ocupou os cargos de xuíz eclesiástico e foi nomeado senador vitalicio (1845-1852), académico da Lingua[1] e académico de Belas Artes en San Fernando.
Domingo del Monte fixo unha edición dos seus Versos (Filadelfia: Imprenta del Mensagero, 1829) que incluía sonetos, dúas elexías, entre elas "Al 2 de mayo", dúas traducións do falso bardo celta Ossián (en realidade James Macpherson; o ossianismo influíu tamén no Rexurdimento galego, en especial en Pondal e Cabanillas[2][3]), e a súa traxedia en verso Óscar.
Pasamento editar
Morreu en Madrid en 1852, como consecuencia dunha caída que sufrira o ano anterior.
Notas editar
- ↑ "Juan Nicasio Gallego". Real Academia Española (en castelán). Consultado o 2022-07-31.
- ↑ SÁNCHEZ-BRUNETE, XERARDO MUÑOZ (1976). "OS TEMAS OSSIÁNICOS NA POESÍA DE RAMÓN CABANILLAS". Grial 14 (54): 451–464. ISSN 0017-4181.
- ↑ "Literatura gallega: Eduardo Pondal (1) – Blog Cultureduca educativa" (en castelán). Consultado o 2022-07-31.
Véxase tamén editar
Wikimedia Commons ten máis contidos multimedia na categoría: Juan Nicasio Gallego  |
Ligazóns externas editar
- Artigo sobre Juan Nicasio Gallego en La Opinión-El Correo de Zamora (en castelán)
- Obras dixitalizadas de Juan Nicasio Gallego na Biblioteca Digital Hispánica da Biblioteca Nacional de España (en castelán)
- Congreso dos Deputados: Arquivo histórico de deputados. (en castelán)
- Senado de España: Expediente persoal do senador vitalicio D. Juan Nicasio Gallego. (en castelán)