Juan Mata
Juan Manuel Mata García, nado en Burgos o 28 de abril de 1988, é un futbolista español. Xoga de centrocampista e o seu equipo actual é o Manchester United.
Juan Mata | |||
---|---|---|---|
Mata de viaxe co Chelsea en 2013 | |||
Información persoal | |||
Nome | Juan Manuel Mata García | ||
Nacemento | 28 de abril de 1988 (35 anos) | ||
Lugar de nacemento | Villafranca Montes de Oca | ||
Altura | 1,70 m. | ||
Posición | Centrocampista | ||
Información de club | |||
Club actual | Manchester United | ||
Número | 8 | ||
Carreira xuvenil | |||
1998–2003 | Oviedo | ||
2003–2006 | Real Madrid | ||
Carreira sénior | |||
Anos | Equipos | Aprs | (Gls) |
2006–2007 | Real Madrid B | 39 | (10) |
2007–2011 | Valencia | 129 | (33) |
2011–2014 | Chelsea | 82 | (18) |
2014– | Manchester United | 0 | (0) |
Selección nacional | |||
2004 | España sub-16 | 3 | (2) |
2004 | España sub-17 | 2 | (1) |
2006–2007 | España sub-19 | 13 | (12) |
2007 | España sub-20 | 5 | (3) |
2007–2011 | España sub-21 | 20 | (5) |
2009– | España | 32 | (9) |
Na rede | |||
http://www.juanmata10.com/ | |||
Partidos e goles só en liga doméstica. Club: actualizado a 1 de xaneiro de 2014. Selección: actualizado a 15 de outubro de 2013.[ editar datos en Wikidata ] | |||
Tamén xoga na selección de fútbol de España, coa que gañou a Copa Mundial de Fútbol en 2010 e a Eurocopa de 2012, dous dos tres títulos do triplete conseguido pola selección entre 2008 e 2012, inédito na historia do fútbol.[1]
Traxectoria editar
Mata naceu en Burgos (onde nese momento xogaba o seu pai), aínda que é de familia asturiana e el considérase como tal.[2] Aos tres anos de idade regresou a Oviedo. Comezou a xogar ao fútbol en La Fresneda, logo formou parte do Juventud Estadio, equipo ovetense, ata que con 12 anos foise ao Real Oviedo. A pesar da súa idade xa apuntaba xeitos debido a técnica, á súa velocidade e aos seus goles e driblins, características que lle valeron para que, tras pasar tres anos no equipo asturiano, fichase polas categorías inferiores do Real Madrid con 15 anos. Debutou no Cadete A e foi subindo banzos cada tempada, logo o Xuvenil C e finalmente o Xuvenil A na tempada 2005-2006 e co que gañou a liga e a Copa de Campións Xuvenil.
Ese mesmo ano disputou tamén o Campionato Europeo Sub-19 coa selección española, no que se proclamou campión e anotou 4 goles, pechando así unha campaña espectacular. Isto valeulle para dar o salto ao Real Madrid Castilla sen nin sequera ter que pasar polo Real Madrid C.
Na tempada 2006-07 Juan Mata xogou no Real Madrid Castilla. A súa posición no campo trasladouse á banda esquerda, actuando como extremo, aínda que sen perder o seu olfacto de cara ao gol xa que terminou como o segundo máximo goleador do filial con 10 goles tras o dianteiro Negredo.
Mata en 2007 chega ao Valencia CF onde ao principio non conta para o adestrador dese momento (Quique Sánchez Flores) pero tras a marcha deste, chega Ronald Koeman o cal conta con el. A súa achega é moi destacada na Copa do Rei con 4 goles en partidos tan decisivos como nas semifinal contra o FC Barcelona en Mestalla ou os goles no Vicente Calderón na final e en cuartos de final.
Na tempada 2008-09 empezou como titular nun Valencia CF que fixo o mellor arranque ligueiro da súa historia. Participou activamente con 6 goles na liga e marcando algúns importantes como en Mestalla contra o Osasuna o cal valeu 3 puntos. En competición europea estreouse marcando un gol de cabeza na Copa da UEFA contra o Rosenborg. Durante a campaña 2008-09 marcou un total de 12 goles en liga, 1 en Copa do Rei e outro máis na Copa da UEFA. Tamén destacou polas súas asistencias nas tres competicións que axudaron ao equipo a acabar en sexta posición. Foi xunto a David Villa o mellor do Valencia CF nesa tempada.
A tempada 2009-10 empeza para el marcando o primeiro gol do equipo contra o Sevilla FC a pase de Ever Banega, un gol que permitiu ao Valencia CF encarrilar o partido, un partido que ao final pechou Pablo Hernández co 2-0 a pase do mesmo Banega. Nesta tempada herda o dorsal número 10 que fora portado por Miguel Ángel Angulo, durante moitísimas tempadas, e doutros xogadores destacados na historia do club ché como Kempes ou Guillot. Nesta tempada marca 32 goles en competicións oficiais e 4 máis coa Selección.
Selección española editar
Foi internacional coa Selección española Sub-19, coa que gañou o Campionato Europeo de 2006 disputado en Polonia, protagonizando unha grande actuación e marcando 4 goles na fase final, sendo o segundo máximo goleador do equipo por detrás de Alberto Bueno. No Mundial sub-20 do Canadá anotou un importante gol contra Zambia na primeira fase.
Foi convocado por primeira vez coa absoluta por Vicente del Bosque para un amigable contra Chile aínda que non debutou. O seu primeiro gol coa Selección foi no partido de clasificación para o Mundial 2010, onde Mata lucindo o seu novo dorsal o número "13" marcou un gol no minuto 90 ante Estonia a un gran pase de Cazorla (3-0 para España)[3] Devandita convocatoria repetiuse de face ao dobre enfrontamento contra Turquía, dentro da fase de clasificación para o mundial de 2010.[4] Participou algúns minutos na Copa Confederacións. Foi 9 veces internacional, marcando 7 goles.
O 11 de xullo de 2010 proclamouse campión da Copa Mundial de Fútbol coa selección española en Suráfrica.
Estatísticas editar
- Datos actualizados a 16 de maio de 2010.
Club | Tempada | Liga | Copa | Europa | Outros* | Total | |||||||
---|---|---|---|---|---|---|---|---|---|---|---|---|---|
PX | Goles | Asist. | PX | Goles | PX | Goles | PX | Goles | PX | Goles | Asist. | ||
Valencia CF | 2007/08 | 34 | 9 | 1 | 2 | 0 | 14 | 5 | 6 | 0 | 50 | 14 | 9 |
2008/09 | 37 | 11 | 9 | 2 | 1 | 5 | 1 | 6 | 2 | 49 | 15 | 14 | |
2009/10 | 24 | 5 | 0 | 8 | 4 | 1 | 0 | 4 | 0 | 36 | 9 | ? | |
Total | 85 | 23 | 10 | 12 | 6 | 14 | 2 | 16 | 2 | 119 | 38 | 25 |
*Inclúe a Supercopa de España e amigables de pretemporada.
Palmarés editar
Club editar
- Valencia
- Chelsea
- FA Cup: 2011–12
- UEFA Champions League: 2011–12
- UEFA Europa League: 2012–13
Notas editar
- ↑ Marca, ed. (1 de xullo de 2012). "España reescribe a historia".
- ↑ "Juan Mata: «eu síntome totalmente asturiano»". Arquivado dende o orixinal o 12 de xuño de 2009. Consultado o 04 de xuño de 2010.
- ↑ "Mata, novidade de Del Bosque ante Chile". Arquivado dende o orixinal o 07 de xaneiro de 2014. Consultado o 04 de xuño de 2010.
- ↑ Del Bosque chama a Mata para suplir a Iniesta ante Turquía