Juan Manuel Espada Montaos
Juan Manuel Espada Montaos, nado en Vilaza (Monterrei) o 17 de outubro de 1843 e finado en Verín o 15 de novembro de 1913, foi un médico militar galego.
Biografía | |
---|---|
Nacemento | 17 de outubro de 1843 Vilaza, España |
Morte | 15 de novembro de 1913 (70 anos) Verín, España |
Datos persoais | |
País de nacionalidade | España |
Educación | Universidade de Santiago de Compostela |
Actividade | |
Ocupación | médico |
Lingua | Lingua castelá |
Traxectoria editar
Estudou o bacharelato no Instituto de Ourense. Matriculouse en Dereito na Universidade de Santiago de Compostela, que deixou para seguir a carreira de Medicina e Cirurxía, conseguindo a licenciatura e o doutoramento na Universidade Central de Madrid. Ingresou por oposición no Corpo de Sanidade da Armada e marchou a Cuba en 1869, onde residiu durante doce anos, alcanzando o grao de capitán-médico. Opositou á cátedra de Medicina, ocupando o primeiro posto na terna, pero o ministro non firmou o nomeamento. Foi un dos principais valedores da cultura galega en Cuba, propulsor, con Waldo Álvarez Ínsua (1879), do Centro Galego da Habana, e redactor da súa primeira carta orgánica. Con el creou El Eco de Galicia (1878), colaborando cos seus artigos, e tamén en La Ilustración Gallega y Asturiana, Revista Gallega da Coruña, Eco de Galicia de Buenos Aires, e Nuevo Támega de Verín. O 27 de xuño de 1881, licenciado total, retirouse á súa casa de Vilaza, exercendo como médico no Balneario de Vilaza e en Verín, onde finou o 15 de novembro de 1913.[1]
Artigos editar
- “Del Regionalismo gallego en Cuba”, Galicia. Revista Regional, 8 (1888).
- “Los gallegos fuera de Galicia”, Revista Gallega, 579 (1906).
- “Del modo de desterrar el caciquismo en Galicia”, Revista Gallega, 589 (1906).
- “Algo sobre el gallego”, Revista Gallega, 625 (1907).
Recoñecementos editar
Tomou parte no desembarco de Cinco Villas en 1877, polo que recibiu a Cruz Vermella de Primeira Clase ao Mérito Naval. Concedéronlle varias condecoracións militares e civis.
Notas editar
- ↑ La Región, 20-11-1913, p. 2.