José María Benegas

político español

José María Benegas Haddad, coñecido como «Txiki» Benegas, nado en Caracas25 de xullo de 1948 e finado en Madrid o 25 de agosto de 2015, foi un político e avogado español.[1] Membro do Partido Socialista de Euskadi integrado no Partido Socialista Obrero Español. Licenciado en Dereito, foi deputado no Congreso dos Deputados desde 1977, obtendo a última vez o escano en 2011 por Biscaia.

José María Benegas
Nacemento25 de xullo de 1948
Lugar de nacementoCaracas
Falecemento25 de agosto de 2015
Lugar de falecementoMadrid
Causacancro
SoterradoDonostia
NacionalidadeEspaña
Alma máterUniversidade de Valladolid
Ocupaciónpolítico e avogado
FillosPablo Benegas
IrmánsDoris Benegas
PremiosGran Cruz da Orde do Mérito Civil
Na rede
IMDB: nm1654562 Dialnet: 53902 Editar o valor em Wikidata
editar datos en Wikidata ]

Foi membro da Comisión Executiva Federal do PSOE como secretario de Organización e como vogal, sendo chave a súa participación no Congreso de Suresnes para a elección de Felipe González como líder da organización. Foi importante a súa achega no debate do proxecto da Constitución de 1978 e do Estatuto de Guernica de 1979.

Traxectoria editar

Naceu en Venezuela, fillo de pai vasco (o avogado donostiarra José María Benegas Echeverría, militante do Partido Nacionalista Vasco e exiliado en Venezuela por mor da Guerra civil) e de nai venezolana de orixe libanesa e xudía, Doris Haddad. A súa irmá Doris Benegas (1951-2016) foi unha política nacionalista castelá e presidenta do partido Izquierda Castellana.[2] Presentouse ás eleccións europeas de 2009 como número dous da candidatura Iniciativa Internacionalista, que encabezou Alfonso Sastre.

Estaba casado con Maite Urabayen, coa que tivo dous fillos, Teresa e Pablo Benegas (1976), este último integrante do grupo musical español La Oreja de Van Gogh.

Notas editar

  1. "Fallece el histórico socialista Txiki Benegas". Ecodiario.es (en castelán). 25/8/2015. Arquivado dende o orixinal o 01/06/2020. Consultado o 02/12/2016. 
  2. Gómez, Javier "Doris, el cisma familiar de los Benegas" El Mundo, 17/5/2009 (en castelán).

Véxase tamén editar

Ligazóns externas editar