José Juncal Verdulla

José Juncal Verdulla, nado en Pontevedra o 4 de decembro de 1869 e finado en Barcelona o 20 de xuño de 1961, foi un empresario, pedagogo, xornalista e escritor galego.

José Juncal Verdulla

Biografía
Nacemento	4 de decembro de 1869 Pontevedra, España
Morte	20 de xuño de 1961 (91 anos) Barcelona, España
Embaixador de Espanha em Portugal (pt)
30 de setembro de 1933 – 26 de febreiro de 1936 Nomeado por: Niceto Alcalá-Zamora
Concelleiro de Barcelona
Actividade
Ocupación	político, xornalista
Partido político	Partido Republicano Radical

Traxectoria

Empresario de pesca en Marín. Republicano lerrouxista, como xornalista fundou El Grito del Pueblo, dirixiu La Unión Republicana, La Acción e La Libertad e colaborou en El Combate, El Progreso e Galicia en Cataluña (Barcelona). Casado con Amelia Lerroux, irmá de Alejandro Lerroux, por motivos políticos estableceuse en Barcelona en 1910. Foi director da Escola de Maxisterio de Barcelona e presidente do Centro Galego de Barcelona, baixo o seu mandato a entidade meteuse de cheo na política radical, ata o punto de acabar actuando como un apéndice daquel partido. Foi o primeiro presidente da Federación de Casas regionales de Barcelona, colectivo fundado en 1929. Foi concelleiro e tenente de alcalde de Barcelona. Nomeado embaixador en Portugal en outubro de 1933, continuou no cargo ata febreiro de 1936, sendo substituído por Claudio Sánchez Albornoz.

Obras

• Elementos de ciencia gramatical de la lengua hispanoamericana, 1912 e 1914.
• La cuestión pedagógica en España, 1923.

Vida persoal

Casou en Madrid con Amelia Lerroux García en agosto de 1907, e foi pai de Manrique e Amelia Juncal Lerroux.

Véxase tamén

Bibliografía

• Carrete Rivera, Manoel (2010). L'Inmigració gallega a Catalunya. Irmandade A Nosa Galiza de Mollet. 
• Pereira Martínez, Carlos (2004). "A Familia Poza: Un exemplo de republicanismo e librepensamento en Pontevedra" (PDF). Anuario Brigantino (27): 265–312. Consultado o 28 de agosto de 2012.