Xesús Vázquez Abad

Xesús Vázquez Abad
	;
Nome orixinal	(es) Jesús Vázquez Abad
Biografía
Nacemento	22 de setembro de 1967 (57 anos); Núremberg, Alemaña
Alcalde de Ourense
	2015 – 2019 ; ← Agustín Fernández Gallego – Gonzalo Pérez Jácome →
Deputado do Parlamento de Galicia
	16 de novembro de 2012 – 16 de xuño de 2015 – Marisol Díaz Mouteira → ; Electo en: Eleccións ao Parlamento de Galicia de 2012
Conselleiro da Xunta de Galicia
	2009 – 2015
Deputado no Congreso dos Deputados
	26 de marzo de 2008 – 20 de abril de 2009 ; Lexislatura: IX lexislatura de España ; Circunscrición electoral: Ourense ; Electo en: Eleccións Xerais 2008 en España
Actividade
Lugar de traballo	Madrid
Ocupación	político, economista
Partido político	Partido Popular
Membro de	Partido Popular de Galicia

Para outras páxinas con títulos homónimos véxase: Jesús Vázquez.

Xesús Vázquez Abad, nado en Nürnberg (Alemaña) o 22 de setembro de 1967, é un político galego pertencente ao PPdeG.

Traxectoria

Doutorouse en Ciencias Económicas e foi decano da Facultade de Ciencias Empresariais e Turismo de Ourense. A nivel político, foi voceiro dos PPdeG de Universidades e deputado deste mesmo partido no Congreso dos Deputados. En abril de 2009 foi designado por Alberto Núñez Feijóo, para ocuparse da Consellaría de Educación e Ordenación Universitaria, entrando a formar parte do novo goberno popular da Xunta de Galicia.

En 2012 asumiu tamén parte das funcións da consellería de Cultura e Turismo. Durante o seu mandato como conselleiro foi aprobado o decreto de bilingüismo. Foi elixido deputado do Parlamento de Galicia nas autonómicas de 2012.

No ano 2013 foi nomeado Xuíz Honorario do Couto Mixto.

En febreiro de 2015 cesou como conselleiro da Xunta para optar ás eleccións municipais por Ourense. Foi elixido alcalde de Ourense como candidato da lista máis votada. Mantívose como alcalde ata 2019. Nas municipais de 2019 volveu encabezar a candidatura do PPdeG e foi elixido concelleiro. Foi nomeado senador no Senado de España por designación autonómica do Parlamento de Galicia. En setembro de 2021 dimitiu como concelleiro e senador e anunciou o seu abandono da política.^[1]