Jesús Carracedo
Jesús Carracedo Fernández, nado en Lugo, foi un profesor e xornalista galego.
| Biografía | |
|---|---|
| Nacemento | Lugo  |
| Datos persoais | |
| País de nacionalidade | España |
| Educación | IES Lucus Augusti |
| Actividade | |
| Ocupación | profesor de ensino secundario |
| Lingua | Lingua castelá |
Traxectoria
editarFillo de Catalina Fernández Rodríguez e José María Carracedo Vilanova, que fora director do Orfeón Gallego, finado en 1911.[1] Estudou o bacharelato no Instituto de Lugo e foi premio extraordinario de Bacharelato no curso 1910-11.[2] Estudou medicina na Universidade de Valladolid. Colaborou en El Regional e Diario de Galicia co pseudónimo Teófilo Gay.[3] Ao constituirse en decembro de 1918 a Irmandade Nazonalista de Lugo, foi elixido vicesecretario.[4] Nos anos vinte colaborou en Gráfica e Ronsel. En 1933 aprobou os cursiños para substitución en ensinanza secundaria na especialidade de Francés.[5] Profesor de Francés, foi nomeado vicesecretario do Instituto elemental de Guadix en abril de 1934,[6] e encargado interino do curso de Francés no Instituto de Vilalba en marzo de 1935.[7] Colaborou en Alborada.[8]
Logo do golpe de Estado do 18 de xullo de 1936 foi catedrático de Francés do Instituto de Cidade Real e en 1937 foi nomeado tamén profesor especial de Francés da Escola Normal de Cidade Real.[9] Colaborou en Galicia Libre. Abríronlle expediente de depuración sendo profesor encargado de curso do Instituto de Quintanar de la Orden en 1941, foi sancionado con traslado e inhabilitación para cargos directivos e de confianza.[10]
Notas
editar- ↑ El Norte de Galicia, 20-11-1911, p. 3.
- ↑ Un centro de formación de líderes
- ↑ Correa Calderón, E. (28-4-1974). "Pequeña historia de una revista (I)". El Progreso: 18.
- ↑ El Progreso, 24-12-1918, p. 1.
- ↑ El Debate, 15-10-1933, p. 8.
- ↑ El Siglo Futuro, 25-4-1934, p. 4.
- ↑ La Voz de Galicia, 5-3-1935, p. 3.
- ↑ Alborada, 5-11-1935, p. 4.
- ↑ Gaceta de la República, 21/12/1937, p. 1342.
- ↑ BOE, 29-12-1941, p. 10168