Diario de Galicia (Santiago de Compostela)

Para outras páxinas con títulos homónimos véxase: Diario de Galicia.

Diario de Galicia foi un xornal que se editou en Santiago de Compostela entre 1908 e 1930.

Diario de Galicia (Santiago de Compostela)
Lingua	lingua castelá

Traxectoria

Aparece o 28 de novembro de 1908, co subtítulo Periódico de la mañana. Telegráfico, noticiero y de información general. De tendencia católico-monárquica, estaba auspiciado polo cardeal Martín de Herrera. Foi o seu primeiro director Eugenio Zabala Herrera, ao que sucederon Jacobo Varela de Limia, Miguel Ferrer Fernández e Francisco Sánchez García. Editábase en imprenta propia, constaba de 4 páxinas en tamaño folio. Con constantes referencias a outras publicacións como Vida Gallega, El Noroeste ou La Región, contou coa colaboración de Antonio G. Queipo, Francisco Romero Blanco e Antonio López. Cesou a súa publicación o 21 de setembro de 1930 co número 6.886.

Véxase tamén

Bibliografía

• Vilavedra, Dolores, ed. (1997). Diccionario da literatura galega. Publicacións Periódicas II. Vigo: Editorial Galaxia. ISBN 84-8288-137-X.