James Whale
James Whale, nado en Dudley (Midlands Occidentais) o 22 de xuño de 1889 e finado en Hollywood (California) o 29 de maio de 1957 foi un director de cinema británico radicado nos Estados Unidos de América. É especialmente coñecido polo seu traballo en filmes de terror, como Frankenstein (1931), A noiva de Frankenstein (1935) e O home invisible (1933).
 (1935)  | |
| Biografía | |
|---|---|
| Nacemento | 22 de xullo de 1889 Dudley, Reino Unido (pt)  |
| Morte | 29 de maio de 1957 (67 anos) Hollywood, Estados Unidos de América |
| Causa da morte | Suicidio (Afogamento ) |
| Lugar de sepultura | Forest Lawn Memorial Park |
| Datos persoais | |
| País de nacionalidade | Reino Unido |
| Actividade | |
| Ocupación | director de cinema , guionista , director teatral , realizador |
| Período de actividade | 1919 - |
| Lingua | Lingua inglesa |
| Carreira militar | |
| Rama militar | Exército Británico |
| Conflito | Primeira guerra mundial |
| Familia | |
| Parella | David Lewis (en) |
| Páxina web | jameswhale.com |
      | |
Traxectoria editar
Whale foi o sexto dos sete fillos dun metalúrxico e unha enfermeira. Como non era moi forte para traballar na industria coma os seus irmáns máis vellos, conseguiu un emprego de zapateiro. O talento que tiña como compositor e a renda extra acadada no traballo valeulle para pagar os seus estudos na Dudley School of Arts and Crafts.[1]
En outubro de 1915, co inicio da primeira guerra mundial, alistouse no exército e estivo no rexemento de Worcestershire en xullo de 1916. En agosto do ano seguinte fixérono prisioneiro e dedicouse logo a debuxar e escribir, descubrindo o seu talento para as producións teatrais.
Tralo armisticio volveu a Birmingham e comezou a traballar profesionalmente no teatro. En 1928 dirixiu a obra de R. C. Sherriff, Journey's End, con Laurence Olivier, que estaba a principiar a súa carreira. A peza foi un éxito e pasaron a un teatro do West End con Colin Clive no papel principal. A obra tivo seiscentas representacións e Whale tamén dirixiu a versión de Broadway e a adaptación cinematográfica, co mesmo Clive.
En Hollywood tivo o seu gran momento cando dirixiu o filme Frankenstein (1931) e a súa secuela, A noiva de Frankenstein (1935), ademais de O home invisible (1933), feitos para a Universal Pictures e que foron grandes éxitos de público.
Whale recibiu influencia do cinema mudo alemán, particularmente dos filmes de F. W. Murnau e os seus movementos de cámara[2]. Os filmes serviron para lanzar as carreiras estadounidenses de Gloria Stuart, Colin Clive, Elsa Lanchester, Boris Karloff e Claude Rains, actores que coñecía de Inglaterra e para os que creou papeis axeitados ás súas personalidades.
Para a Universal tamén dirixiu The Road Back (1937), pensado como unha secuela de All Quiet on the Western Front. A pesar das protestas de Whale, o filme foi remontado e cortado despois da súa estrea e resultou un fracaso de público, polo que Whale foi relegado aos filmes B da Universal. En 1937 rodou The Great Garrick da Warner Bros., único filme para este estudio e que, a pesar da coidada ambientación do século XVIII, tamén resultou un fracaso. Nesta época Whale tan só conseguiu o éxito con The Man in the Iron Mask (1939), protagonizado por Louis Hayward e Joan Bennett. Green Hell, filme de aventuras na selva con Douglas Fairbanks, Jr., Joan Bennett e Vincent Price, foi a súa última longametraxe estreada comercialmente. Trala adaptación da obra de William Saroyan Hello-out there!, que non conseguiu estrear, non volver dirixir para o cinema.
Viviu co produtor David Lewis, que divulgou a curta nota de suicidio de Whale en 1987. Whale tiña depresión nerviosa e suicidouse afogándose na piscina da súa casa o 29 de maio de 1957.
Filmografía editar
- Journey's End (1930)
- Hell's Angels (1930)
- Waterloo Bridge (1931)
- Frankenstein (1931)
- Impatient Maiden (1932)
- O casarón das sombras (1932)
- The Kiss Before the Mirror (1933)
- O home invisible (1933)
- By Candlelight (1933)
- One More River (1934)
- A noiva de Frankenstein (1935)
- Remember Last Night? (1935)
- Show Boat (1936)
- The Road Back (1937)
- The Great Garrick (1937)
- Port of Seven Seas (1938)
- Sinners in Paradise (1938)
- Wives Under Suspicion (1938)
- The Man in the Iron Mask (1939)
- Green Hell (1940)
- They Dare Not Love (1941)
- Personnel Placement in the Army (1942)
- Hello Out There (1950)
Notas editar
- ↑ Curtis, James (1998). Faber and Faber, ed. James Whale: A New World of Gods and Monsters. Boston. pp. 12. ISBN 0571192858.
- ↑ Curtis p. 150
Véxase tamén editar
Ligazóns externas editar
- James Whale na IMDb (en inglés).