Ignacio Seoane

Ignacio Seoane
Nome orixinal	(es) Ignacio Seoane Fernández
Biografía
Nacemento	1900 ; Ribadavia, España
Morte	27 de agosto de 1936 (35/36 anos); Vigo, España
Deputado nas Cortes republicanas
	Representa: Partido Socialista Obrero Español; 24 de febreiro de 1936 – 2 de febreiro de 1939 ; Lexislatura: III lexislatura da Segunda República Española ; Circunscrición electoral: Pontevedra
Datos persoais
País de nacionalidade	España
Actividade
Lugar de traballo	Madrid
Ocupación	sindicalista , político
Partido político	Partido Socialista Obrero Español
Membro de	Unión Xeral de Traballadores
Lingua	Lingua castelá

Ignacio Seoane Fernández, nado en Ribadavia en 1900 e fusilado en Vigo o 27 de agosto de 1936, foi un sindicalista, político e dirixente socialista galego.

Traxectoria editar

Ignacio Seoane traballou de panadeiro e militou na UXT e no PSOE. Nas eleccións xerais de 1936 foi elixido deputado pola provincia de Pontevedra pola Fronte Popular. Era membro do Comité da Fronte Popular de Vigo.

Cando tivo lugar o golpe de Estado do 18 de xullo de 1936 que deu pé á guerra civil española estaba enfermo e retirado no Concello de Cotobade, onde foi detido^[1], participando na detención a guardia cívica da que formaba parte Víctor Lis Quibén.

O 20 de agosto foi condenado a morte nun consello de guerra sumarísimo polo delito de traizón, sendo fusilado unha semana máis tarde no camposanto de Pereiró con outros membros do Comité da Fronte Popular de Vigo, como o alcalde Emilio Martínez Garrido, o alcalde de Lavadores José Antela Conde e os deputados socialistas Enrique Heraclio Botana e Antonio Bilbatúa Zubeldía^[2].

Lamela, Luis (2005). "Pasión y muerte del diputado socialista pontevedrés Ignacio Seoane Fernández". A represión franquista en Galicia. Actas do Congreso da Memoria. Narón, decembro de 2003. Ferrol: Asociación Cultural Memoria Histórica Democrática.