Ibrahim Afellay

Ibrahim Afellay, nado en Utrecht o 2 de abril de 1986, é un exfutbolista neerlandés de ascendencia marroquí. Xogaba de centrocampista.

Ibrahim Afellay

(2011)
Biografía
Nacemento	2 de abril de 1986 (38 anos) Utrecht, Países Baixos (en)
Datos persoais
País de nacionalidade	Reino dos Países Baixos
Relixión	Islam
Altura	180 cm
Peso	76 kg
Actividade
Ocupación	futbolista
Período de actividade	2003 -
Lingua	Lingua neerlandesa
Nacionalidade deportiva	Países Baixos
Deporte	fútbol
Liga	Fußball-Bundesliga e Premier League
Posición de xogo	Extremo esquerdo
Número deportivo	14
Traxectoria   Equipo - Panathinaikos 2004-2011 PSV Eindhoven 159 (35) 2011-2015 Futbol Club Barcelona 21 (1) 2012-2013 →cesión a  FC Schalke 04 10 (2) 2014-2015 →cesión a  Olympiakos Sindesmós Filathlon Piraiévs 19 (4) 2015- Stoke City F.C. 2019- →free transfer (en) a  PSV Eindhoven   Selección nacional 2007-   Países Baixos
Participou en
2012	Eurocopa de Fútbol Polonia/Ucraína 2012
2010	Mundial de Fútbol Suráfrica 2010
xuño de 2008	Eurocopa de Fútbol Austria/Suíza 2008

Traxectoria

PSV Eindhoven

Iniciou a súa carreira deportiva no USV Elinwijk, antes de que o 4 de febreiro de 2004 debutase no profesionalismo co PSV Eindhoven, nun partido da Copa dos Países Baixos ante o NAC Breda. Dez días despois debutou na Eredivisie ante o FC Twente. Na campaña 2003/04 apenas xogou tres partidos. Na 2004/05 xogou en sete encontros.

O 15 de maio de 2005 xogou ante o Feyenoord, e deixou unha boa impresión, anotando dous goles. Despois foise afianzando no once inicial desde a tempada 2005/06, coas saídas de Johann Vogel e Mark van Bommel. Desde ese instante foi figura na obtención de tres ligas (2006, 2007 e 2008), e obtendo bos resultados na Liga de Campións. O 24 de outubro de 2010 participou co seu equipo, o PSV Eindhoven, na histórica vitoria ante o Feyenoord Rotterdam por 10:0, marcando o segundo gol do seu equipo.

FC Barcelona

O 16 de novembro de 2010, o Futbol Club Barcelona anunciou un acordo co PSV Eindhoven para o traspaso do xogador. Finalmente, o 24 de decembro, asinou o seu contrato como novo xogador do Barcelona por catro tempadas e media.

O 2 de febreiro de 2011, Afellay marcou o seu primeiro gol coa camiseta do Barça, no partido de volta das semifinais da Copa do Rei, contra o Almería, partido que terminaría 3 a 0 a favor do conxunto catalán. Na súa primeira tempada no club blaugrana, proclamouse campión da Liga española e da Liga de Campións da UEFA.

Selección nacional

Afellay coa selección neerlandesa.

Ibi, como é alcumado, foi internacional coa Selección de fútbol dos Países Baixos en 26 ocasións, onde anotou 3 goles. Debutou o 28 de marzo de 2007 nun encontro clasificatorio para a Eurocopa 2008. No campionato europeo xogou ante Italia (partido que se saldou con triunfo orange por 3-0); e ante Rusia, que os eliminaría en cuartos de final.

Foi seleccionado para disputar o Mundial de Suráfrica 2010 no cal proclamouse subcampión do Mundo tras a derrota da súa selección ante España por 0-1. Nesta competición xogou 3 partidos, todos eles saíndo desde o banco. O 12 de outubro do 2010, anotou 2 goles e asistiu un, no partido de clasificación para a Eurocopa de 2012, ante Suecia.

Estatísticas

Afellay xogando para o PSV.

Club	Tempada	Liga		Copa		Europa		Outros1		Total
		Part.	Goles	Part.	Goles	Part.	Goles	Part.	Goles	Part.	Goles
PSV Países Baixos	2003–04	2	0	1	0	—		—		3	0
	2004–05	7	2	2	0	—		—		9	2
	2005–06	23	2	2	0	8	0	1	0	34	2
	2006–07	27	6	2	0	5	0	—		34	6
	2007–08	24	2	0	0	8	0	1	0	33	2
	2008–09	28	13	1	0	4	0	1	0	34	13
	2009–10	29	4	4	1	11	1	—		44	6
	2010–11	19	7	1	0	6	1	—		26	8
	Total	159	36	13	1	42	2	3	0	217	39
FC Barcelona España	2010–11	15	0	6	1	5	1	—		14	1
	Total	15	0	6	1	5	0	—		26	1
Total carreira		174	36	19	2	47	2	3	0	243	40

¹Inclúe outras competicións como: Supercopa dos Países Baixos, Supercopa de España, Supercopa de Europa e Copa Mundial de Clubs da FIFA.

Palmarés

Campionatos nacionais

Título	Club	País	Ano
Eredivisie	PSV Eindhoven	Países Baixos	2004-05
Copa dos Países Baixos	PSV Eindhoven	Países Baixos	2004-05
Eredivisie	PSV Eindhoven	Países Baixos	2005-06
Eredivisie	PSV Eindhoven	Países Baixos	2006-07
Eredivisie	PSV Eindhoven	Países Baixos	2007-08
Supercopa dos Países Baixos	PSV Eindhoven	Países Baixos	2008
Liga Española	FC Barcelona	España	2011

Campionatos internacionais

Título	Club	País	Ano
Liga de Campións	FC Barcelona	Londres (Reino Unido)	2011

Distincións individuais

Distinción	Ano
Talento do ano nos Países Baixos	2007

Véxase tamén

Ligazóns externas

• Perfil de Ibrahim Afellay no sitio do FC Barcelona (en castelán)
• Perfil en wereldvanoranje.nl (en neerlandés)
• Videos no PSV Eindhoven(en inglés)