Golfo de Cádiz

O golfo de Cádiz é un entrante do océano Atlántico na costa do suroeste da Península Ibérica, que se encontra entre o cabo de San Vicente, en Portugal, e o Estreito de Xibraltar, polo que as súas augas bañan a costa sur do Algarve, a costa da provincia de Huelva e a costa atlántica da provincia de Cádiz. Esta zona costeira recibe o nome de Costa da Luz.

Golfo de Cádiz

Tipo	Golfo
Parte de	océano Atlántico Norte
Localización
División administrativa	Algarve, Portugal e Andalucía, España
36°47′N 7°14′O
Afluentes	Río Guadiana ,Río Guadalquivir

Xeografía

Os ríos máis importantes que morren neste golfo, de oeste a leste, son:

• Río Guadiana (742 km)
• Río Piedras
• Río Odiel (co río Tinto)
• Río Guadalquivir (666 km)
• Río Guadalete (157 km)

Recursos

O golfo de Cádiz posúe pequenas reservas de gas natural. Aínda que no pasado non se extraía por considerar que non existía cantidade suficiente para asegurar a súa rendibilidade, na actualidade^[cando?] suscítase retomar a extracción para evitar a dependencia exterior. Na actualidade^[cando?] Repsol extrae a 30 quilómetros de Mazagón.

En canto á pesca, as especies mariñas de interese comercial que se capturan no Golfo de Cádiz suman 314, entre elas destacan a chirla, a anchoa, o salmonete, a acedía e o atún. O atún é especialmente importante, en termos económicos e culturais, xa que implica técnicas de pesca distintas como son as almadrabas.