Gerald P. Carr
Gerald Paul 'Jerry' Carr foi un astronauta estadounidense que formou parte da tripulación da misión Skylab 4. Pasou un total de 84,05 días no espazo.[1][2]
| Gerald P. Carr | |
|---|---|
 | |
| Datos persoais | |
| Nacemento | 22 de agosto de 1932 |
| Lugar | Denver |
| Falecemento | 26 de agosto de 2020 |
| Nacionalidade | Estadounidense |
| Actividade | |
| Misións | Skylab 4 |
| Tempo no espazo | 84,05 días |
| Premios | Medalla de Servizo Distinguido da NASA, Salón da Fama dos Astronautas dos Estados Unidos, Eagle Scout e Distinguished Eagle Scout Award |
| [ editar datos en Wikidata ] | |
Traxectoria editar
Carr naceu o 22 de agosto de 1932 en Denver, Colorado. É graduado en enxeñería mecánica pola Universidade do Sur de California en 1954 e en enxeñería aeronáutica pola Escola Naval de Posgraduados dos Estados Unidos en 1961, e ten un máster en enxeñería aeronáutica pola Universidade de Princeton de 1962. Está casado e ten tres fillas e tres fillos. Entre as súas afeccións atópanse o mergullo, a natación, a caza, a pesca e a carpintería.[1][2]
Foi seleccionado pola NASA en abril de 1966, xunto con outros 18 candidatos. Formou parte da tripulación de soporte e exerceu de CAPCOM (encargado das comunicacións) nas misións Apollo 8 e Apollo 12. En 1973 comandou a misión Skylab 4, durante a cal unha tripulación de tres homes ocupou a estación espacial Skylab e pasou no espazo un total de 84 días, 1 hora e 15 minutos.[1][2]
Notas editar
- ↑ 1,0 1,1 1,2 NASA, ed. (2018). "GERALD P. CARR (COLONEL, USMC, RET.) NASA ASTRONAUT (FORMER)" (en inglés). Arquivado dende o orixinal o 05 de xaneiro de 2017. Consultado o 16 de setembro de 2018.
- ↑ 2,0 2,1 2,2 Mark Wade (2018). "Carr, Gerald Paul 'Jerry'" (en inglés). Consultado o 16 de setembro de 2018.
Véxase tamén editar
Wikimedia Commons ten máis contidos multimedia na categoría: Gerald P. Carr  |