Gazpacho

O gazpacho ou gaspacho é unha sopa fría elaborada con ingredientes en cru, tradicional do sur da Península Ibérica. Desde tempos moi antigos era unha versión fría das sopas de allo, é dicir que ten como ingredientes básicos pan, auga, aceite de oliva, allo, cogombro e sal, ás veces sós, coma no gazpacho estremeño, e outras veces engadindo outros materiais para darlle sabor, por exemplo ovo cocido (así é no gazpacho cordobés).

Gazpacho
Nome orixinal	gazpacho
Subclase de	sopa fría, prato de tomate e alimento
Temperatura	frío
Prato	prato principal
Gastronomía	gastronomía de España e gastronomía de Portugal
Ingredientes
tomate, aceite de oliva, vinagre, zume de limón, sal común, xeo, pan, tomate, pementeira, cogombro, pemento, auga potable, cebola e allo
Orixe
País de orixe	España
Relacionados
Coincidente	Ajoblanco (pt) e salmorejo (pt)
Contacto
TasteAtlas
[ Wikidata ]

Entre os ingredientes máis primitivos encontrábanse as améndoas na variante chamada ajoblanco de Andalucía oriental (Granada e Málaga); noutros casos, laranxas amargas coma en Sevilla ou a fariña de fabas secas. Á hora de servir poden poñerse por enriba uns anacos pequenos de alimento, tropezones, que no caso do ajoblanco tradicionalmente son uvas.

Ingredientes para unha variedade de gazpacho.