Galegos en Francia

diáspora galega

Os galegos en Francia son os inmigrantes galegos, e os seus descendentes, que se asentaron en Francia. No ano 2016, eran arredor de 18 000 habitantes.[1] A inmigración galega en Francia formou unha das maiores comunidades de galegos en Europa, sendo a segunda maior diáspora galega nun país europeo, só por detrás de Suíza.[2][3] Francia ocupa o oitavo lugar do mundo con máis presenza galega, por diante doutros países europeos como Alemaña ou o Reino Unido.

Historia

editar

Historicamente, Galicia foi un exportador neto de poboación para o resto de España e a inmigración galega foi masiva entre finais do século XIX e comezos do século XX. Entre 1900 e 1981, a saída neta de persoas de Galicia foi de máis de 825 000. Tamén tivo un factor importante a guerra civil española, a caída da Segunda República Española e a chegada de Francisco Franco ó poder.[4] Isto motivou unha nova onda de emigración cara a fóra de Galicia a outros países europeos, sobre todo a Francia, Suíza, Alemaña e, en menor medida, ao Reino Unido.

Censo electoral de galegos residentes en Francia
por provincia de inscrición, a 1/9/2023 [5]
Provincia da Coruña 4.258
Provincia de Lugo 2.317
Provincia de Ourense 5.219
Provincia de Pontevedra 5.536
Total de galegos en Francia 17.330
  1. Míguez, Marcos (15 de marzo de 2017). "Unos 8.000 gallegos emigraron en el 2016". Consultado o 15 de marzo de 2017. 
  2. emigracion.xunta.gal, ed. (21 de abril de 2020). "Miranda percorre a realidade das e dos galegos de Suíza e Francia, os dous países europeos con maior presenza galega, xunto a Liechtenstein nesta pandemia a través de videoconferencia". Consultado o 4 de maio de 2022. 
  3. "La realidad de los gallegos de Suiza y Francia, los dos países europeos con mayor presencia gallega bajo la mirada de Miranda". laregioninternacional.com. 21 de abril de 2020. Consultado o 4 de maio de 2022. 
  4. Escalhao, Cecilia L. "Biblioteca Galega de Bos Aires" (PDF) (en castelán). bn.gov.ar. Arquivado dende o orixinal (PDF) o 18 de setembro de 2016. Consultado o 27 de febreiro de 2017. 
  5. Instituto Nacional de Estadística

Véxase tamén

editar

Bibliografía

editar

Outros artigos

editar