Francisco Cabo Pastor
Francisco Cabo Pastor, nado en Ferrol en 1872 e finado na mesma cidade o 16 de marzo de 1973, foi un médico e escritor galego.
| Biografía | |
|---|---|
| Nacemento | 1872  Ferrol, España |
| Morte | 16 de marzo de 1973 (100/101 anos) Ferrol, España |
| Actividade | |
| Ocupación | médico, escritor |
  | |
Traxectoria
editarEstudou na Escola de Artes e Oficios de Ferrol. Foi médico das Pontes de García Rodríguez. Anticaciquil, foi partidario da emigración, postura que cambiou coa participación en Solidaridad Gallega xunto co seu amigo Rodrigo Sanz, e despois en Acción Gallega. A partir de 1916 incorporouse ao movemento galeguista utilizando o galego e preocupándose polo problema autonomista. Foi tesoureiro das Irmandades da Fala de Ferrol.
Foi conferenciante e colaborou en El Correo Gallego, Galicia e Juventud de Ferrol, Cultura Campesina de Pontedeume, La Antorcha de Cedeira e A Nosa Terra. Debido a unha enfermidade quedou cego ao final da súa vida.
Obras
editarObras en galego
editarPublicou en 1908 ¡Despertad, gallegos! un berro de liberdade e de protesta en contra do caciquismo. En 1919 apareceu Versos Gallegos. Cantigas e cousas da Nosa Terra. En 1924 publicou La Universidad Gallega (Aportaciones para su autonomía). E en 1929 a novela curta Semprenoiva na colección Céltiga.
Obras en castelán
editarEn 1924 apareceu en Madrid Los Une-Borricos. Poema medieval agrario, humorístico e xocoso. E en 1934 publicou Camino de hierro. Apuntes de un ciego en un viaje de El Ferrol a Madrid. En 1935 apareceu Tertulia de rebotica.
Véxase tamén
editarBibliografía
editar- Dicionario biográfico de Galicia 1. Ir Indo Edicións. 2010-2011.