Cultura Campesina

Cultura Campesina foi unha revista editada en Fene entre 1915 e 1917.

Cultura Campesina
País	España
Lugar	Fene
[ editar datos en Wikidata ]

Historia e características

Subtitulada Folleto-revista (na contraportada incluía o lema Instrucción y agrarismo), apareceu a finais de 1915, ao servizo da sociedade agraria La Necesaria de Fene vencellada á Federación Agrícola Ferrol-Pontedeume. Revista mensual de 16 páxinas que incluía algunhas fotografías, estaba dirixida por Genaro Moreda Martínez e o administrador era Manuel Montero Corbeira. Entre os seus colaboradores figuraron Martín Lázaro Calvo, Francisco Cabo Pastor, Emiliano Balás Silva e Heraclio Pérez Placer. A partir do número de febreiro de 1917 asumiu a dirección Ramón Pena Miró, logo da detención do seu anterior director. O último número coñecido é o 24, que corresponde a agosto de 1917.

Véxase tamén

Bibliografía

• Cabo Villaverde, Miguel (2003). Duen de Bux, ed. Prensa agraria en Galicia. Ourense. pp. 143–145. ISBN 84-932078-3-7. 
• Santos Gayoso, Enrique (1990). Historia de la Prensa Gallega 1800-1986. Sada: Do Castro. p. 511. ISBN 84-7492-489-8.