Florentino Ameghino

Florentino Ameghino, nado o 19 de setembro de 1853 en Moneglia (Italia) e finado o 6 de agosto de 1911 en La Plata, foi un científico autodidacta, naturalista, climatólogo, paleontólogo, zoólogo, xeólogo e antropólogo arxentino.

Florentino Ameghino

(1878)
Biografía
Nacemento	(it) Giovanni Battista Fiorino Giuseppe Ameghino 19 de setembro de 1853 Moneglia (pt)
Morte	6 de agosto de 1911 (57 anos) La Plata (Arxentina)
Causa da morte	Morte natural  (Diabetes mellitus )
Director de museo
Datos persoais
País de nacionalidade	Arxentina
Grupo étnico	Pobo italiano
Educación	Universidad Nacional de La Plata
Actividade
Campo de traballo	Paleontoloxía e arqueoloxía
Ocupación	naturalista , profesor universitario , biólogo , arqueólogo , zoólogo , antropólogo , paleontólogo , ornitólogo
Empregador	Universidad Nacional de La Plata Universidade Nacional de Córdoba (pt) Bernardino Rivadavia Natural Sciences Museum (en)
Membro de	National Academy of History of Argentina (en)
Profesores	Hermann Burmeister
Influencias	Charles Darwin
Lingua	Lingua castelá e lingua italiana
Obra
Abreviatura do autor en zooloxía	Ameghino
Familia
Irmáns	Carlos Ameghino (en)
Sinatura

Traxectoria

Florentino Ameghino no seu depósito arqueolóxico.

Pyrotherium romeroi ou besta do fogo. Mamífero fósil descuberto e clasificado por Ameghino. A pesar da súa trompa non estaba relacionado cos elefantes, pertenecía aos Xenungulata dentro dos Meridiungulata.

Foi mestre de escola e despois director da Colexio Municipal de Mercedes, na provincia de Buenos Aires.

Autodidacta, para os seus traballos científicos sempre contou co apoio do seu irmán máis novo Carlos, e para o seu financiamento só cos exiguos fondos obtidos da súa librería situada na cidade de La Plata.

Estudou o solo da provincia de La Pampa e recolectou numerosos fósiles. A súa colección está considerada como unha das máis importantes do seu tempo.

Tamén estudou restos de fósiles do home cuaternario no xacemento arqueolóxico de Chelles, Sena e Marne, Francia.

Foi nomeado profesor de zooloxía da Universidade Nacional de Córdoba. En 1886, Francisco P. Moreno nomeouno vicedirector e secretario do Museo de La Plata, asignándolle a sección de Paleontoloxía, que Ameghino arrequeceu coa súa propia colección (que vendeu ao estado provincial). Por último, foi director do Museo Nacional de Buenos Aires.

Para explorar o territorio patagónico, custeou unha expedición a cargo do seu irmán Carlos, para o cal estableceu unha librería, que atendeu persoalmente, en La Plata.

Faleceu en La Plata, á idade de 57 anos, o 6 de agosto de 1911, enfermo de diabetes e tamén por resistirse a unha intervención cirúrxica. Está soterrado no cemiterio de La Plata.

Principais obras

1878 - La antigüedad del hombre en el Plata.
1878 - Los mamíferos fósiles en la América Meridional.
1884 - Filogenia.
1889 - Contribución al conocimiento de los mamíferos fósiles de la República Argentina.
1891 - Los monos fósiles de la República Argentina.
1984 - Énumeration synoptique des espèces de mammifères fossiles des formations éocènes de Patagonie.
1895 - Sur les oiseaux fossiles de la Patagonie.
1900 - 1903 L'Âge des formations sédimentaires de Patagonie.
1902 - Línea filogenética de los proboscídeos.
1902 - On the primitive type of the Plagiodont molars of Mammalia.
1903 - Los Diprotodontes del orden de los plagiaulacoides y el origen de los roedores y de los Polimastodontes.
1904 - Recherches de morphologie phylogénétique sur les molaires supérieures des ongulés.
1906 - Formaciones sedimentarias del Cretáceo Superior y del Terciario de Patagonia.

Recoñecementos

• Varias localidades arxentinas levan o nome de Florentino Ameghino, así como diversos establecementos educativos en todo o país, bibliotecas, museos, escolas, prazas, rúas e parques en distintas localidades.
• A súa obra Contribución al conocimiento de los mamíferos fósiles de la República Argentina valeulle a medalla de bronce na Exposición Universal de París de 1889.
• Un cráter da Lúa leva o seu nome.

Epónimos

Na honra de Florentino Ameghino nomeáronse unhas 110 especies, entre elas:

• Amanita ameghinoi (Speg.) Singer
• Tetragonia ameghinoi Speg.
• Notopappus ameghinoi (Speg.) Klingenb. 2007
• Mostacillastrum ameghinoi O. E. Schulz 1924
• Moschopsis ameghinoi (Speg.) Dusén ex Macloskie 1915
• Calamagrostis ameghinoi Hauman 1917
• Jarava ameghinoi (Speg.) Peñail. 2002
• Sanmartinia ameghinoi (Speg.) Buchinger 1950
• Nicotiana ameghinoi A. St.-Hil. 1902
• Jaborosa ameghinoi (Speg.) Macloskie & Dusén
• Covillea ameghinoi Briq. 1925
• Larrea ameghinoi Speg.

Abreviatura

A abreviatura Ameghino emprégase para indicar a Florentino Ameghino como autoridade na descrición e taxonomía en zooloxía.

Véxase tamén

Outros artigos

• Liptornis, fósil de ave descuberto por el

Bibliografía

• Garate, Justo (1970): "Ameghino, Florentino", en Dictionary of Scientific Biography, 1, Nova York: Charles Scribner's Sons, pp. 129–132, ISBN 0-684-10114-9.
• Shampo, M. A. & Kyle, R. A. (1987): "Argentinian paleontologist contributes to the understanding of humans and the environment". Mayo Clin. Proc. 62 (9): 855.

Ligazóns externas

• Florentino Ameghino Biografía. Obra. Teorías. Os seus descubrimentos. Achegas á paleontoloxía dos mamíferos. Outras biografías. (en castelán). Consultada o 13-05-2015
• Bosque Petrificado Florentino Ameghino (en castelán). Consultada o 13-05-2015