Fernando Trueba

director de cinema español

Fernando Trueba, nado en Madrid o 18 de xaneiro de 1955, é un director de cine español. É irmán do guionista, director e produtor David Trueba.

Fernando Trueba
Nome completoFernando Rodriguez Trueba
Nacemento18 de xaneiro de 1955
Lugar de nacementoMadrid
NacionalidadeEspaña
Alma máterUniversidade Complutense de Madrid
Ocupacióndirector de cinema, guionista, produtor de cinema, actor e realizador
CónxuxeCristina Huete
FillosJonás Trueba
IrmánsDavid Trueba e Máximo Trueba
Premioscabaleiro da orde das Artes e as Letras, European Film Award for Best Animated Feature Film e Cuncha de Prata ó mellor director
Na rede
http://www.fernandotrueba.com/
IMDB: nm0874096 Allocine: 17526 Allmovie: p114619 TCM: 194440
Discogs: 424773 Editar o valor em Wikidata
editar datos en Wikidata ]

Biografía editar

Iniciado como crítico de cine e guionista, deuse a coñecer coa súa primeira película, chamada oportunamente Ópera prima (1980), á que seguirían outras entre as que cabe salientar Sé infiel y no mires con quién (1985) protagonizada por Ana Belén, Carmen Maura e Antonio Resines entre outros.

Dirixiu para televisión a serie La mujer de tu vida, e en 1992 chegaría o grande éxito da súa película Belle Époque, que foi galardoada con tres premios Goya: mellor película, mellor director e mellor actriz (Ariadna Gil). En 1993 foi galardoada esta mesma co premio á mellor película estranxeira dos oscars dos Estados Unidos.

Posteriormente rodaría películas coma Two Much (1995) con Antonio Banderas e Melanie Griffith, La niña de tus ojos (1998), con Penélope Cruz, ou El embrujo de Shanghai (2003), onde traballou unha vez máis dirixindo a Ariadna Gil, a muller do seu irmán David.

O seu último traballo como director ata o momento foi o documental El milagro de Candeal (2004), coa participación do músico brasileiro Carlinhos Brown e centrada precisamente no lugar onde naceu este. Ten anunciado un próximo proxecto baixo o título Haunted Heart e previsto para o ano 2009.

Ten unha produtora, Fernando Trueba Producciones Cinematográficas S.A., responsable de varias das súas películas, así como das do seu irmán (como Obra Maestra, 2000 ou Bienvenido a casa, 2006) e doutros proxectos como a serie televisiva de Telecinco Ellas son así, emitida no ano 1999.

É autor do libro Dicionario de cine (1997) e está casado coa produtora Cristina Huete.

No que atinxe ao cinema galego, xa en 1976, antes, pois, de filmar a súa Ópera prima (1980), foi axudante de dirección d'O cadaleito, curtametraxe de Enrique R. Baixeras con guión do dramaturgo Francisco Taxes.

Filmografía editar

Ano Película
2016 La reina de España
2012 El artista y la modelo
2010 Chico y Rita
2009 El baile de la Victoria
2004 El milagro de Candeal
2002 El embrujo de Shanghai
2000 Calle 54
1998 La niña de tus ojos
1994 Two Much
1992 Belle Époque
1989 El sueño del mono loco
1986 El año de las luces
1985 Sé infiel y no mires con quién
1983 Sal gorda
1980 Opera prima

Premios editar

Premios Goya editar

Como mellor director:

Como mellor película de animación:

Premios Oscar editar

Oscar á mellor película estranxeira:

Medalla do CEC ao mellor director editar

Predecesor:
José María Gónzalez Sinde
Presidente da Academia das Artes e as Ciencias Cinematográficas de España
1988 - 1988
Sucesor:
Antonio Giménez-Rico