San Francisco 49ers

Os San Francisco 49ers son un equipo profesional de fútbol americano con sede na Área da Baía de San Francisco. Forman parte da National Football League (NFL) como membro da National Football Conference (NFC) na súa División Oeste. O equipo xoga actualmente os seus partidos no Levi's Stadium de Santa Clara, California, cidade situada a 75 km ao sueste de San Francisco en pleno corazón de Silicon Valley. O equipo foi fundado en 1946 como membro da All-America Football Conference (AAFC), uníndose á NFL en 1949 coa fusión de ambas competicións. Os 49ers foron o primeiro equipo das grandes ligas estadounidenses en ter a súa sede en San Francisco. O nome de "49ers" provén do ano da chegada da febre do ouro ao norte de California: 1849. O equipo está legalmente rexistrado como os San Francisco Forty Niners, Ltd. A franquía comezou a xogar no Kezar Stadium de San Francisco, antes de mudarse ao Candlestick Park en 1970 e finalmente ao Levi's Stadium en 2014. A sede administrativa do equipo está en Santa Clara desde 1988.

San Francisco 49ers
Fundado en 1946 Sede en Santa Clara, CA
Logo dos San Francisco 49ers Wordmark dos San Francisco 49ers Logo Wordmark
Afiliacións de Liga/Conferencia
All-America Football Conference (1946-1949) División Oeste (1946-1949) National Football League (1950–presente) National Conference (1950-1952) Western Conference (1953-1969) Coastal Division (1967-1969) NFC (1970-actualidade) NFC West (1970-actualidade)
Uniforme actual
Cores	Escarlata, ouro
Mascota	Sourdough Sam
Cadro de persoal
Propietario(s)	Denise DeBartolo York John York (copropietarios)
CEO	Jed York
Presidente	Al Guido
Director xeral	John Lynch
Adestrador	Kyle Shanahan
Historia
San Francisco 49ers (1946–presente)
Alcume(s)
Niners
Campionatos
Títulos de Liga (5) Super Bowl (5) 1981 (XVI), 1984 (XIX), 1988 (XXIII), 1989 (XXIV), 1994 (XXIX)
Conferencia (7) NFC: 1981, 1984, 1988, 1989, 1994, 2012, 2019
División (20) NFC Oeste: 1970, 1971, 1972, 1981, 1983, 1984, 1986, 1987, 1988, 1989, 1990, 1992, 1993, 1994, 1995, 1997, 2002, 2011, 2012, 2019
Estadios
Kezar Stadium (1946−1970) Candlestick Park (1971−2013) Levi's Stadium (2014−presente)

Os 49ers gañaron cinco títulos da Super Bowl entre 1981 e 1995, era na que estiveron liderados por xogadores como Joe Montana, Jerry Rice, Ronnie Lott ou Steve Young, xunto co adestrador Bill Walsh. Alén diso, o equipo gañou un total de seis campionatos de conferencia, o primeiro en 1981 e o último en 2012. Tamén posúen un total de dezanove campionatos de división entre 1970 e 2012, facendo ao equipo un dos máis laureados da historia da competición. Debido a isto, os 49ers son posuidores de moitos récords da NFL, incluído o maior número de presenzas en finais de conferencia (15, empatados cos Pittsburgh Steelers), a maior xeira de vitorias consecutivas como visitante (18) ou máis partidos consecutivos anotando (de 1979 a 2004). De acordo a Forbes Magazine, os 49ers son a cuarta franquía máis valiosa da NFL, e o décimo equipo deportivo a nivel mundial, por detrás de Los Angeles Lakers e por diante do Bayern München.

Historia

Comezos

Fundados en 1946, os San Francisco 49ers foron a primeira franquía deportiva profesional con sede en San Francisco e un dos primeiros equipos deportivos profesionais con base na costa oeste dos Estados Unidos. O equipo tamén se converteu no primeiro equipo das catro grandes ligas esetadounidenses, é dicir, MLB (béisbol), NBA (baloncesto), NFL (fútbol americano) e NHL (hóckey sobre xeo), en xogar nesta zona do país. Con todo, ese mesmo ano tamén chagarían á costa oeste os Cleveland Rams, o cales se mudaron aos Ánxeles. O nome de "49ers" provén do ano da chegada da febre do ouro ao norte de California: 1849. A franquía comezou a xogar como membro da All-America Football Conference (AAFC), uníndose á NFL en 1949 coa fusión de ambas competicións, usando como estadio local o Kezar Stadium.

En 1957, os 49ers gozaron do seu primeiro éxito como membros da NFL. Despois de perder o primeiro partido da temporada, os 49ers gañaron os seus tres seguintes encontros contra os Rams, Bears e Packers. O seguinte partido na casa enfrontábaos aos Bears, caendo os de San Francisco por 17-7 despois de dous cuartos. Por desgraza, Tony Morabito, dono da franquía, derrubouse tras sufrir un ataque ao corazón e morreu durante o partido. O falecemento foille comunicado aos xogadores durante o descanso, cando o adestrador Frankie Albert lles entregou unha nota con dúas palabras: "Tony's gone" (do inglés: "Tony foise"). Con bágoas nos ollos e motivados para gañar o partido na súa memoria, os 49ers anotaron 14 puntos sen oposición para gañar 21-17. Tras a morte do propietario dos Niners, Victor Morabito e a viúva de Tony, Josefina V. Morabito, tomaron o control do equipo. O asistente especial dos Morabito, Luís G. Spadia (1921-2013) foi nomeado director xeral. O equipo acabou a temporada cun balance de 8–4, empatando cos Detroit Lions polo título da División Oeste e asegurandose un partido de playoff no seu estadio. Con todo, o equipo non consegue gañar aos de Detroit, sendo o marcador final 31–27. Se tivesen gañado, os 49ers terían xogado a final da liga na súa casa ante os Cleveland Browns. De feito, o título sería gañado finalmente polos Lions tras vencer Browns por 59–14.

Durante os seguintes trece anos os 49ers tiveron un balance de vitorias do 49%, sendo os peores anos 1963 e 1964 onde acabaron cun récord e 2–12 e 4–10 respectivamente. Durante este época os 49ers foron o primeiro equipo en utilizar a formación shotgun, onde o quarterback se aliña sete iardas detrás do center, procurando así dar tempo extra ao xogador para pasar. Esta formación foi utilizada por vez primeira en 1960 e permitiu aos de San Francisco gañar aos Baltimore Colts, os cales non estaban familiarizados coa formación. Entre 1970 e 1972 o equipo colleitou os seus primeiros éxitos, conseguindo tres títulos consecutivos da NFC West, sendo así a única franquía da NFL en gañar os seus primeiros tres títulos divisionais após a fusión da American Football League (AFL) coa NFL. Con todo, un equipo evitou que os de San Francisco chegasen á Super Bowl nas tres ocasións: os Dallas Cowboys. Desde esa temporada até o final da década, o equipo baixou o seu rendemento, chegando a gañar tan só dous partidos de catorce en 1979.

Estadio

Artigo principal: Levi's Stadium.

O Levi's Stadium.

Os San Francisco 49ers comezaron a súa andaina en 1946 no Kezar Stadium, un recinto situado na esquina sueste do Golden Gate Park. O Kezar Stadium, que contaba na época con capaciadade para 59.942 espectadores, tamén serviu durante un ano como estadio dos Oakland Raiders. En 1971 o equipo múdase a Candlestick Park, estadio dos San Francisco Giants da Major League Baseball (MLB). Co traslado do equipo de béisbol en 1999, os 49ers pasaron a ser o único equipo en utilizar o recinto, sendo no seu momento o último estadio da NFL que comezara como recinto para o báisbol e acabara como estadio para fútbol.

Xa no século XXI, os 49ers decidiron construír un novo estadio, sendo a súa idea inicial mantelo en Candlestick Point (San Francisco). O proxecto, que incluía plans de mellora urbanística no barrio non puido ser levado a cabo ao fracasar as negociacións co concello. Así, decidiron trasladar o seu proxecto a Santa Clara, aproximadamente a 64 km de San Francisco, onde xa estaba a sede administrativa do equipo. Finalmente, o Levi's Stadium foi inaugurado o 17 de xullo de 2014. O estadio conta con capacidade para albergar a 68.500 espectadores, ampliábeis até os 75.000.

Estadio	Localización	Estado	Capacidade	Período(s)
Kezar Stadium	San Francisco	California	59.942	1946	1970
Candlestick Park	San Francisco	California	69.732	1971	2013
Stanford Stadium	Stanford, Santa Clara	California	86.019	1989 (un partido)
Levi's Stadium	Santa Clara	California	68.500	2014	−

Xogadores

Cadro actual

Elenco dos San Francisco 49ers
Quarterbacks  3 C. J. Beathard 10 Jimmy Garoppolo  4 Nick Mullens Running backs 22 Matt Breida 43 Matthew Dayes 44 Kyle Juszczyk FB 28 Jerick McKinnon 41 Jeff Wilson Wide receivers - Kendrick Bourne 19 Steven Dunbar Jr. 15 Pierre Garçon 11 Marquise Goodwin 13 Richie James 14 Max McCaffrey 18 Dante Pettis 81 Trent Taylor Tight ends 88 Garrett Celek 82 Ross Dwelley 85 George Kittle		Liña ofensiva 78 Shon Coleman T 65 Joshua Garnett G 76 Garry Gilliam T 62 Erik Magnuson C 69 Mike McGlinchey T 58 Weston Richburg C 74 Joe Staley T 75 Laken Tomlinson G Liña defensiva 91 Arik Armstead DE 98 Ronald Blair DE 99 DeForest Buckner DT 96 Sheldon Day DT 92 Ryan Delaire DE 93 D. J. Jones DT 54 Cassius Marsh DE 95 Kentavius Street DE 77 Jullian Taylor DT 94 Solomon Thomas DE		Linebackers 50 Brock Coyle OLB 57 James Onwualu OLB 51 Malcolm Smith OLB 55 Pita Taumoepenu OLB 48 Fred Warner MLB 97 Dekoda Watson OLB Defensive backs 27 Adrian Colbert FS 36 Marcell Harris SS 35 Godwin Igwebuike FS 33 Tarvarius Moore CB 41 Emmanuel Moseley CB 32 D. J. Reed FS 49 Tyree Robinson FS 25 Richard Sherman CB 29 Jaquiski Tartt SS 24 K'Waun Williams CB 23 Ahkello Witherspoon CB Equipos especiais 40 Colin Holba LS				Reservas 64 Christian DiLauro OT 98 Kapron Lewis-Moore DE 83 Marcus Lucas TE 45 Tarvarus McFadden CB -- Jordan Smallwood WR 66 Najee Toran G  6 Terrell Williams Jr. FS Equipo de adestramento Rookies en cursiva Roster actualizado a 3 de febreiro de 2019 Depth Chart • Traspasos 55 activos, 7 inactivos, 13 FAs
AFC Leste BUF MIA NE NYJ Norte BAL CIN CLE PIT Sur HOU IND JAX TEN Oeste DEN KC OAK SD NFC Leste DAL NYG PHI WAS Norte CHI DET GB MIN Sur ATL CAR NO TB Oeste ARI LA SF SEA

Membros do Hall of Fame

Os seguintes os xogadores que formaron parte dos San Francisco 49ers e que foron introducidos no Pro Football Hall of Fame.

Joe Montana (1979–1992)

Membros do Pro Football Hall of Fame dos San Francisco 49ers
Xogadores
No.	Nome	Posición	Anos	Ingreso	No.	Nome	Posición	Anos	Ingreso
71	Larry Allen	G	2006–2007	2013	84	Randy Moss	WR	2012	2018
74	Fred Dean	DE	1981–1985	2008	73	Leo Nomellini	DT	1949–1963	1969
95	Richard Dent	DE	1994	2011	81	Terrell Owens	WR	1996–2003	2018
56	Chris Doleman	DE	1996–1998	2012	34	Joe Perry	RB	1948–1960 1963	1969
91	Kevin Greene	LB	1997	2016	80	Jerry Rice	WR	1985–2000	2010
94	Charles Haley	LB	1986–1991 1998–1999	2015	21	Deion Sanders	CB	1994	2011
22	Bob Hayes	WR	1975	2009	32	O. J. Simpson	RB	1978–1979	1985
57	Rickey Jackson	DE	1994–1995	2010	79	Bob St. Clair	OT	1953–1963	2008
37	Jimmy Johnson	CB	1961–1976	1994	14	Y. A. Tittle	QB	1951–1960	1971
35	John Henry Johnson	FB	1954–1956	1987	64	Dave Wilcox	LB	1964–1974	2000
42	Ronnie Lott	CB	1981–1990	2000	26	Rod Woodson	CB	1997	2009
39	Hugh McElhenny	RB	1952–1960	1970	8	Steve Young	QB	1987–1999	2005
16	Joe Montana	QB	1979–1992	2000
Adestradores e executivos
Nome		Posicións			Anos			Ingreso
Edward J. DeBartolo, Jr		Propietario			1977–2000			2016
Gil Brandt		Executivo			1958–1959			2019
Bill Walsh		Adestrador			1979–1988			1993

Títulos

Super Bowls

Os 49ers posúen un total de cinco trofeos da Super Bowl. Os tres primeiros gañáronos baixo a dirección do adestrador Bill Walsh. Tras a retirada de Walsh despois de gañar o seu terceiro trofeo en 1988, a franquía continuou a gañar baixo a man de George Seifert, o cal foi capaz de gañar o título no seu ano como debutante. Posteriormente, gañaría de novo o campionato en 1994.

Ano	Adestrador	Super Bowl	Sede	Opoñente	Resultado	Balance
1981	Bill Walsh	XVI	Pontiac, Míchigan	Cincinnati Bengals	26–21	16–3
1984	Bill Walsh	XIX	Stanford, California	Miami Dolphins	38–16	18–1
1988	Bill Walsh	XXIII	Miami, Florida	Cincinnati Bengals	20–16	13–6
1989	George Seifert	XXIV	Nova Orleáns, Luisiana	Denver Broncos	55–10	17–2
1994	George Seifert	XXIX	Miami, Florida	San Diego Chargers	49–26	16–3
Total de Super Bowls gañadas:					5

Campionatos da NFC

Ano	Adestrador	Sede	Opoñente	Resultado	Balance
1981	Bill Walsh	San Francisco, California	Dallas Cowboys	28–27	16–3
1984	Bill Walsh	San Francisco, California	Chicago Bears	23–0	18–1
1988	Bill Walsh	Chicago, Illinois	Chicago Bears	28–3	13–6
1989	George Seifert	San Francisco, California	Los Angeles Rams	30–3	17–2
1994	George Seifert	San Francisco, California	Dallas Cowboys	38–28	16–3
2012	Jim Harbaugh	Atlanta, Xeorxia	Atlanta Falcons	28–24	13–4–1
Total de campionatos da NFC gañados:				6

Véxase tamén

Outros artigos

• San Francisco
• National Football League

Ligazóns externas

• Sitio web oficial
• Comunidade de seareiros do club Arquivado 14 de febreiro de 2010 en Wayback Machine.
• Novas sobre o equipoArquivado 24 de novembro de 2020 en Wayback Machine.