Levi's Stadium
Coordenadas: 37°24′12″N 121°58′12″O / 37.4034, -121.97
O Levi's Stadium é un estadio situado na cidade de Santa Clara, California (Estados Unidos), aproximadamente a 64 km de San Francisco. Desde 2014 é o estadio local dos San Francisco 49ers da National Football League (NFL). Tras xogar desde 1973 en Candlestick Park, os 49ers decidiron construír un novo estadio, sendo a súa idea inicial mantelo en Candlestick Point (San Francisco). O proxecto, que incluía plans de mellora urbanística no barrio non puido ser levado a cabo ao fracasar as negociacións co concello. Así, decidiron trasladar o seu proxecto a Santa Clara, onde xa estaba a sede administrativa do equipo. Finalmente, o estadio foi inaugurado o 17 de xullo de 2014. O estadio conta con capacidade para albergar a 68.500 espectadores, ampliábeis até os 75.000.
| Levi's Stadium | |
|---|---|
 | |
| Datos | |
| Localización |  Santa Clara, Estados Unidos |
| Construción | |
| Inauguración | 17 de xullo de 2014 (9 anos) |
| Arquitecto | HNTB |
| Enxeñeiro | Magnusson Klemencic Associates |
| Custo | $1.300 millóns |
| Estadio | |
| Superficie | Tifway II Bermuda Grass |
| Dimensións | 115 × 75 yd / 105 × 69 |
| Capacidade | 68.500 espectadores |
| Propietario | Santa Clara Stadium Authority |
| Operaradora | Santa Clara Stadium Authority |
| Localía | San Francisco 49ers (2014– ) |
| Eventos | |
| Super Bowl 50 (2016) | |
Historia editar
Tras a decisión de construír un novo estadio en Santa Clara por parte os San Francisco 49ers da NFL, o recinto comezouse a construír en abril de 2012, sendo finalmente inaugurado dous anos despois. Este estadio substitúe ao Candlestick Park, o cal foi demolido en febreiro de 2015. A empresa de vestimenta Levi Strauss & Co. é o patrocinador titular do estadio. Ademais de albergar os partidos dos 49ers, o estadio é sede da Foster Farms Bowl da NCAA, ademais dun partido anual dos San Jose Earthquakes da Major League Soccer. Tamén foi sede do partido inaugural da Copa América Centenario de fútbol.
Pola súa banda, utilizouse para un partido amigable de fútbol entre México e Chile o 6 de setembro, un partido da National Hockey League en 2014, un partido da National Hockey League entre San Jose Sharks e Los Angeles Kings en 2015, o espectáculo de loita libre profesional WrestleMania 31 en 2015, cunha asistencia de 76.976 espectadores, e a Super Bowl 50 en 2016. A súa capacidade oficial é de 68.500 espectadores, ampliábel até os 75.000 para eventos especiais. O estadio é de ceo aberto e conta con céspede natural, 2.500 metros cadrados de teito verde, 1.800 metros cadrados de paneis solares, e un sistema de reciclaxe de auga para rega e baños.
Eventos editar
Super Bowl editar
- Artigo principal: Super Bowl.
| Data | Edición | Equipo | Puntos | Equipo | Puntos | Asistencia |
|---|---|---|---|---|---|---|
| 7 de febreiro de 2016 | L | Denver Broncos | 24 | Carolina Panthers | 10 | 71.088 |
Copa América Centenario editar
- Artigo principal: Copa América Centenario.
| Data | Fase | Selección | Resultado | Selección | Espectadores | ||
|---|---|---|---|---|---|---|---|
| 3 de xuño, 2016 | Primeira fase | Estados Unidos |
|
|
Colombia |
| |
| 6 de xuño, 2016 | Primeira fase | Arxentina | 
|
|
Chile | ||
| 13 de xuño, 2016 | Primeira fase | Uruguai | 
|
|
Xamaica | ||
| 18 de xuño, 2016 | Cuartos de final | México | 
|
|
Chile |