Abrir o menú principal

San Jose Earthquakes

O San Jose Earthquakes é un club de fútbol profesional que xoga na Major League Soccer. É o equipo da cidade de San Jose, California polo que xoga na Conferencia Oeste. Foi un dos dez equipos que xogaron a tempada inaugural da MLS en 1996, xogando o partido inicial fronte ó DC United. O equipo ten catro títulos oficiais entre eles dous MLS Cup. Nos seus comezos o equipo chamábase San Jose Clash, no ano 2000 a franquía pasouse a chamar San Jose Earthquakes.

San Jose Earthquakes
NomeSan Jose Earthquakes
Alcume(s)Quakes
Fundación1995
EstadioAvaya Stadium
San Jose, California
Estados Unidos
Inauguración22/03/2015 [1]
Capacidade18,000
PropietarioEarthquakes Soccer, LLC
AdestradorEscocia Flag of the United States.svg Dominic Kinnear
LigaMajor League Soccer
2015Leste: 7º
Global: 13º
Playoffs: Non clasificado
Páxina webPáxina web
Na casa
Fóra

HistoriaEditar

Era San Jose ClashEditar

A historia do Clash comezou coa asignación de Eric Wynalda ó equipo californiano, só un día despois de que se convertese no máximo anotador da selección nacional [2]. O primeiro partido na historia da MLS (o 6 de abril de 1996) foi un San Jose Clash fronte ó DC United, o partido contou coa asistencia de 31,683 siareiros, e rematou con vitoria local cun solitario gol de Wynalda. Na súa primeira tempada a franquía conseguiu a primeira clasificación para os playoffs, pero foi eliminado nas semifinais de conferencia. John Doyle foi nomeado como mellor defensa do ano [3].

A tempada seguinte non foi tan boa e os Clash remataron na última posición da conferencia oeste e tamén da táboa xeral. No ano 1998 o equipo mellorou os resultados pero tampouco puido lograr a clasifación para as rondas eliminatorias. O ano 1999 trouxo o troco de propietarios, tras a compra da compañía polos propietarios do New England Patriots da NFL [4]. Pero este cambio non trouxo variacións ós resultados do equipo que volveron a quedar fóra dos playoffs. Nesta misma tempada houbo tres adestradores diferentes.

Rexurdimento do San Jose EarthquakesEditar

No ano 2000 os directivos da franquía decidiron voltar ó nome de San Jose Earthquakes, que xogara na NASL o século pasado. A pesar do cambio, a tempada non foi boa e os Earthquakes foron o peor equipo da MLS [2]. Despois de varios anos de fracasos, a tempada do 2001 por fin sería para non olvidala. O éxito foi posibel coa entrada de novos investidores dende Silicon Valley, Frank Yallop foi nomeado novo adestrador e liderou unha gran remodelación no equipo. Tras rematar segundo na conferencia oeste, clasificáronse ás rondas eliminatorias. Nos cuartos de final superaron ó Columbus Crew e na semifinal ó Miami Fusion F.C., a final celebrouse en Columbus, Ohio contra un dos seus rivales de conferencia, Los Angeles Galaxy. Despois de noventa minutos a final rematou cun un a un, polo que o partido pasou a prórroga na que no minuto noventa e seis, Dwayne De Rosario marcou o gol de ouro que lle deu a primeira MLS Cup na historia do San Jose Earthquakes.

Na seguinte tempada tocaba defender o título, na fase regular o equipo respondeu ben, clasificándose de novo ós playoffs. A franquía participou por primeira vez na Liga de Campións da CONCACAF eliminando nos oitavos de final ó CD Olimpia de Honduras, pero na seguinte ronda caeu eliminado fronte ó Pachuca C.F. mexicano. Nos cuartos de final da MLS os Earthquakes víronse superados polo Columbus Crew. Joe Cannon foi nomeado mellor cancerbeiro da MLS. O ano 2003 foi un ano espectacular para os de San Jose, remataron primeiros na conferencia oeste, nos cuartos de final tocoulles Los Angeles Galaxy nos que perdían por un global de catro goles a cero no minuto vinte do segundo partido, pero os californianos conseguiron unha espectacular remontada finalizada cun gol de ouro de Rodrigo Faria [5]. Tras eliminar ó Kansas avanzaron ata a final fronte o Chicago Fire. Conseguiron adelantarse con goles de Ronnie Ekelund e Landon Donovan, pero os de Chicago recortaron distancias, cun gol de DaMarcus Beasley que foi respondido ó minuto con outro gol de Richard Mulrooney, volveron a recortar distancias os de Chicago cun gol en propia meta de Chris Roner e finalmente sentenciou o marcador Donovan, para rematar cun catro a dous. O porteiro Pat Onstad foi nomeado como mellor xogador da liga na súa posición.

No ano 2004 a estrela do equipo, o internacional Landon Donovan, marchou a Alemaña para xogar no Bayer Leverkusen. O ano seguinte, os Quakes foron elimandos nos cuartos de final, a pesar diso o canadense Pat Onstad foi nomeado como mellor cancerbeiro da liga. Tras a súa gran tempada regular o equipo gañou a súa primeira Supporter's Shield. Os xogadores e corpo técnico foron trasladados a Houston para xogar no Houston Dynamo [6].

RenacementoEditar

Xa no ano 2007 a "nova" franquía comezou a tomar forma, Frank Yallop volvería a exercer como adestrador dos Quakes, anunciouse que o equipo xogaría coma local no Buck Shaw Stadium en Santa Clara, California. Os de San Jose comezaron o ano 2008 recuperando ó meta Joe Cannon, pero este renacemento non foi fácil quedándose a sete puntos das rondas eliminatorias. Os malos resultados repetíronse a tempada seguinte. Na ano 2010 a franquía californiana retornou ás rondas eliminatorias, eliminando na primeira ronda ó New York Red Bulls que fora o mellor equipo da conferencia oeste, pero caeu nas semifinais fronte ó que ía ser o campión o Colorado Rapids [7]. Esa mesma tempada Chris Wondolowski gañou a bota de ouro da MLS con dezaoito goles. Pero na tempada seguinte volvéronse a ver as deficiencias do equipo e quedarónse a once puntos das rondas eliminatorias. Sorprendentemente no ano 2012 os Quakes fixeron a mellor fase regular da súa historia con sesenta e seis puntos e gañou a súa segunda Supporter's Shield na súa historia. Pero nos playoffs as cousas non foron tan ben, na primeira ronda enfrentáronse ó seu rival californiano Los Angeles Galaxy e perderon no cómputo global por dous goles a tres. Pero tras esta gran tempada chegaron os premios individuais, o internacional estadounidense Chris Wondolowski gañou a súa segunda bota de ouro da MLS e ademais foi nomeado como xogador máis valioso da MLS e Frank Yallop gañou o premio de mellor adestrador da MLS.

No 2013 anunciouse a marcha en mitade de tempada de Frank Yallop e Mark Watson tomou o seu lugar, na Liga de Campións da CONCACAF o equipo avanzou ata os cuartos de final onde foi eliminado nos penaltis polo Toluca mexicano. Na competición doméstica o equipo rematou sexto na conferencia e quedou fora dos playoffs pola diferencia de goles. O 22 de marzo de 2015 os Quakes estrearon o Avaya Stadium gañando por dous goles a un ó Chicago Fire.

Xogadores [8][9]Editar

Posto País Xogador
1 POR   David Bingham
2 DEF   Kofi Sarkodie
3 DEF   Jordan Stewart
4 DEF   Marvell Wynne
5 DEF   Victor Bernardez
6 MED   Shea Salinas
7 MED   Cordell Cato
8 DEL   Chris Wondolowski
10 MED   Matias Perez Garcia
11 DEL   Innocent
17 MED   Sanna Nyassi
18 DEF   Kip Colvey
19 DEL   Chad Barrett
Posto País Xogador
20 DEF   Shaun Francis
21 DEF   Clarence Goodson
24 DEL   Steven Lenhart
25 DEL   Quincy Amarikwa
27 MED   Fatai Alashe
28 POR   Andrew Tarbell
30 MED   Anibal Godoy
32 DEF   Andres Imperiale
33 MED   Marc Pelosi
35 POR   Bryan Meredith
38 MED   Matheus Silva
51 DEF   Simon Dawkins
91 MED   Alberto Quintero

†Este xogador está cedido polo Lobos BUAP.

Xogadores cedidosEditar

TítulosEditar

RécordsEditar

HistoriaEditar

TempadaEditar

Museo da famaEditar

NotasEditar