Emilio Buale
Ludwig Emilio Buale Coka, nado o 26 de novembro de 1972, é un actor ecuatoguineano radicado en España.
.jpg)  | |
| Biografía | |
|---|---|
| Nacemento | (es) Ludwig Emilio Buale Coka 26 de novembro de 1972 (51 anos)Malabo (Guinea Ecuatorial) |
| Datos persoais | |
| País de nacionalidade | Guinea Ecuatorial España |
| Actividade | |
| Ocupación | actor , Bombeiro |
| Período de actividade | 1996 - |
| Lingua | Lingua castelá |
     | |
Traxectoria editar
Nado en Guinea Ecuatorial, mudouse a España cos seus pais e irmáns cando tiña seis anos de idade. A súa carreira como actor comezou cando foi descuberto polo director de casting Paco Pino en 1995. Ámbolos dous estaban agardando polo metro nunha estación en Madrid. Deste xeito, Emilio conseguiu o seu primeiro papel ó interpretar a Ombasi no filme de Imanol Uribe, Bwana (1996). Por este papel obtivo un nomeamento ó Premio Goya como Mellor Actor Revelación. Despois diso, Emilio estudou para enxeñeiro de construción, ademais de traballar como bombeiro.
Buale continuou traballando en filmes, series de televisión e, especialmente, en teatro. Tamén foi membro da Compañía Nacional de Teatro Clásico por dous anos, facendo aparicións en obras como "La entretenida", "Amar después de la muerte", "Los chicos de la banda" e "Yonquis y Yanquis".
Buale fala de forma fluída a lingua bubi, inglés, francés e castelán. Actualmente segue a traballar como bombeiro en Madrid, de feito, interpretou a bombeiros nalgúns filmes e series de televisión:
Filmografía editar
Filmes editar
- Bwana (1996) de Imanol Uribe
- Adiós con el corazón (2000) de José Luis García Sánchez
- Mi hijo Arturo (2000) de Pedro Costa
- Salvajes (2001) de Carlos Molinero
- Ilegal (2003) de Ignacio Vilar
- Semen, una historia de amor (2005) de Daniela Fejerman e Inés París
- Hienas (2009) de Norberto Ramos del Val
- La piel azul (2010) de Gonzalo Lopéz Gallego
- El Capitán Trueno y el Santo Grial (2011) de Antonio Hernández
- El hoyo (2019) de Galder Gaztelu-Urrutia
Curtametraxes editar
- Cien maneras de hacer el pollo al txilindrón (1997) de Kepa Sojo
- Feliz Navidad (1998) de Óscar del Caz
- Impotencia (2002) de Andoni de Carlos
- Así fue mi sueño (2003) de Javier Albalá
- ¿Y tú qué harías (2003) de Emiliano Melgarejo
- El niño que jugaba con los trenes (2004) de Jorge Blas
- Cara sucia (2004) de Santiago Zannou
- Chantal Lis (2005) de María Pavón e Rut Suso
- Salomón (2007) de Ignacio Lasierra
- Cíclope (2009) de Carlos Morett
- Morphos (2010) de Carlos Morett
Televisión editar
- Tío Willy (1998) de Eduardo Ladrón de Guevara
- Médico de Familia (1998) de Daniel Écija
- Mediterráneo (1999) de Antonio Hernández
- Pratos combinados (2000) de Chema Fernández
- Arrayán (2001) de Eva Bermúdez de Castro, Jaime D. Triviño e Santiago Pumarola
- Código fuego (2003) de Miguel Ángel Díez e Eva Lesmes
- Hospital Central (2005) de José Mª Caro e Carlos Gil
- Los Serrano (2007) de Daniel Écija
- El comisario (2008) de Ignacio del Moral
- Cazadores de hombres (2008) de Joan Barbero, Verónica Fernández e Aitor Gabilondo
- La que se avecina (2009) de Alberto Caballero, Laura Caballero, Daniel Deorador
- Sin tetas no hay paraíso (2009)
- Amar en tiempos revueltos (2009-2010) de Rodolfo Sirera
- 2055 (2011-)
- Madres (2020)
Nomeamentos editar
- Bwana (1996): Premio Goya ó Mellor Actor Revelación.