Distrito da Guarda

Localización do Distrito da Guarda

A Guarda é un distrito de Portugal, pertencente á provincia tradicional da Beira Alta, agás os concellos máis ao norte, que pertencen a Trás-os-Montes e Alto Douro. Limita ao norte co Distrito de Braganza, ao leste con España, ao sur co Distrito de Castelo Branco e ao oeste co Distrito de Coímbra e o Distrito de Viseu. Abrangue unha área de 5518 km², que o converte no 7º maior distrito portugués en extensión. Ten unha poboación residente de 173.831 habitantes (2006), e a súa capital é a cidade da Guarda.

O distrito da Guarda subdivídese nos seguintes 14 concellos:

• Aguiar da Beira.
• Almeida.
• Celorico da Beira.
• Figueira de Castelo Rodrigo.
• Fornos de Algodres.
• Gouveia.
• Guarda.
• Manteigas.
• Mêda.
• Pinhel.
• Sabugal.
• Seia.
• Trancoso.
• Vila Nova de Foz Côa.

Na división de Portugal en NUTS II, o distrito atópase integrado case na súa totalidade na Rexión Centro, aínda que Vila Nova de Foz Côa pertence á Rexión Norte e á subrexión do Douro. Os restantes concellos forman as subrexións da Beira Interior Norte e da Serra da Estrela, existindo aínda un pertencente a Dão-Lafões. En resumo:

• Rexión Norte.
  • Trás-os-Montes e Alto Douro.
  • Douro.
    • Vila Nova de Foz Côa.
• Rexión Centro.
  • Beira Interior Norte.
    • Almeida.
    • Celorico da Beira.
    • Figueira de Castelo Rodrigo.
    • Guarda.
    • Manteigas.
    • Mêda.
    • Pinhel.
    • Sabugal.
    • Trancoso.
  • Dão-Lafões.
    • Aguiar da Beira.
  • Serra da Estrela.
    • Fornos de Algodres.
    • Gouveia.
    • Seia.

Xeografía física

O distrito ten un relevo elevado especialmente ao suroeste, onde se atopa a serra da Estrela, considerada como parque natural. O cume máis alto do territorio continental portugués, a Torre, atópase no límite co distrito de Castelo Branco. Nesta serra nacen dous dos ríos máis importantes de Portugal: o Mondego, no concello de Gouveia, e o Zêzere, que nos seus primeiros quilómetros de percorrido define un espectacular val graciario. Outro río importante que nace no distrito é o río Côa, afluente do Douro que atravesa lugares de grande beleza paisaxística e riqueza cultural do leste do distrito, destacando o Sitio de arte rupestre do Vale de Côa, declarado Patrimonio da Humanidade. Ao nordés, moi preto do val do Côa, sitúase a parte máis ao sur do Parque Natural do Douro Internacional.

Património

• Sitio de arte rupestre do Vale de Côa.
• Catedral da Guarda.
• Conxunto histórico de Almeida.
• Ruta das Aldeas Históricas (Aldeias Históricas). No distrito destacan destacan as seguintes aldeas:
  • Linhares.
  • Folgosinho.
  • Sortelha.
  • Castelo Mendo.
  • Castelo Rodrigo.
  • Colmeal.

Véxase tamén

Ligazóns externas

• Goberno Civil do Distrito da Guarda. (en portugués)
• Fotografías da Guarda (distrito). (en portugués)