David López Moreno
David López Moreno, coñecido habitualmente como David López, nado en Logroño (A Rioxa) o 10 de setembro de 1982, é un futbolista profesional español da canteira do CA Osasuna, que xoga como centrocampista na SD Huesca.
| David López | |||
|---|---|---|---|
 | |||
| Información persoal | |||
| Nome | David López Moreno | ||
| Nacemento | 10 de setembro de 1982 (41 anos) | ||
| Lugar de nacemento | Logroño | ||
| Altura | 1,81 m | ||
| Posición | Interior dereito | ||
| Información de club | |||
| Club actual | SD Huesca | ||
| Número | 23 | ||
| Carreira xuvenil | |||
| 2000–2001 | Osasuna | ||
| Carreira sénior | |||
| Anos | Equipos | Aprs | (Gls) |
| 2001–2004 | Osasuna B | 81 | (7) |
| 2004–2007 | Osasuna | 78 | (11) |
| 2007–2012 | Athletic Club | 118 | (12) |
| 2012–2014 | Brighton | 65 | (12) |
| 2014–2016 | CD Lugo | 67 | (5) |
| 2016– | SD Huesca | 1 | (0) |
| Na rede | |||
   | |||
|
Partidos e goles só en liga doméstica. Selección: actualizado a 6 de maio de 2016[ editar datos en Wikidata ] | |||
Traxectoria
editarNado en Logroño, A Rioxa, David López é produto da categorías inferiores do Club Atlético Osasuna de Pamplona. Fai o seu debut co primeiro equipo, e na Primeira División, o 17 de outubro de 2004 nunha vitoria por 3–2 en El Sadar ante o Albacete Balompié, onde ademais anotaría o seu primeiro gol como profesional para dar a vitoria o seu equipo ao romper o empate 2-2 no minuto 65.[1] Finalizaría a súa primeira tempada con 13 partidos e un gol. Na seguinte tempada David López foi titular indiscutíbel no club navarro, nun ano en que o Osasuna conseguiría a súa primeira a súa primeira clasificación á Liga de Campións da UEFA. O xogador contribuiría ao final con seis goles, entre os que destaca o conseguido no último encontro da campaña, o cal valería a vitoria por 2-1 ante o Valencia Club de Fútbol e que clasificaría aos pamploneses á Champions League.[2] Tras fallar o ano seguinte na rolda previa da Liga de Campións, o que levou ao equipo a xogar a Copa da UEFA, López aparece en 11 dos encontros europeos, onde chegaría até as semifinais. Destacarían a vitorias por 0-3 contra o Parma Football Club (dúas veces) e ante o Bayer 04 Leverkusen.
No verano de 2007, López asina polo Athletic Club de Bilbao, nun traspaso valorado nuns 6 millóns de euros. O seu debut oficial cos biscaíños foi o 8 de agosto nun empate 0–0 ante precisamente o seu anterior equipo, o Osasuna. Desde ese partido David López foi titular indiscutíbel no Athletic durante os dous seguintes anos, aparecendo nun total de 60 partidos. Na súa segunda tempada axudou ao seu equipo a evitar o descenso marcando o 1-1 ante o Real Club Recreativo de Huelva fóra da casa e nas vitorias en San Mamés por 3-0 ante o Real Sporting de Gijón e 2-1 ante o Real Racing Club de Santander. Na súa cuarta tempada no Athletica acadaría o seu mellor rexistro de goles en Liga nunha soa tempada, até ese momento, con 6 en 28 partidos, aínda que xogando menos minutos tras a chegada do adestrador arxentino Marcelo Bielsa. O 31 de agosto de 2012 deixa o club tras rescindir o seu contrato por mutuo acordo.
Inmediatamanete tras a súa saída, López asina un ano de contrato co Brighton & Hove Albion do Football League Championship, o cal sería posteriormente prolongado durante outro ano máis. En Inglaterra, onde se recibiría o alcume de Spanish Dave, volvería dispor de minutos, sendo unha das pezas claves dun equipo que remataría nos primeiros postos da clasificación en ambas tempadas. Tras rematar o seu contrato co Brighton, David López asina un contrato até 2016, por dous anos, co Club Deportivo Lugo da Segunda División.
Clubs
editar| Ano | Club | División | Partidos | Goles |
|---|---|---|---|---|
| 2001-2002 | CA Osasuna B | Segunda B | 22 | 1 |
| 2002-2003 | CA Osasuna B | Segunda B | 22 | 0 |
| 2003-2004 | CA Osasuna B | Segunda B | 37 | 6 |
| 2004-2005 | CA Osasuna | Primeira | 13 | 1 |
| 2005-2006 | CA Osasuna | Primeira | 34 | 6 |
| 2006-2007 | CA Osasuna | Primeira | 31 | 4 |
| 2007-2008 | Athletic Club | Primeira | 31 | 2 |
| 2008-2009 | Athletic Club | Primeira | 29 | 3 |
| 2009-2010 | Athletic Club | Primeira | 17 | 0 |
| 2010-2011 | Athletic Club | Primeira | 28 | 6 |
| 2011-2012 | Athletic Club | Primeira | 13 | 1 |
| 2012-2013 | Brighton | Championship | 28 | 9 |
| 2013-2014 | Brighton | Championship | 32 | 3 |
| 2014-2015 | CD Lugo | Segunda | 39 | 3 |
| 2015-2016 | CD Lugo | Segunda | 28 | 2 |
Títulos
editar- UEFA Europa League: Subcampión (2011-12)
- Copa do Rei: Subcampión (2008-09, 2011-12)
- Supercopa: Subcampión (2009)
Notas
editar- ↑ El Mundo, ed. (17 de outubro de 2004). "Ajustada victoria de Osasuna ante el 'Alba' en El Sadar" [Apertada vitoria do Osasuna ante o 'Alba' en El Sadar] (en castelán). Consultado o 11 de agosto de 2014.
- ↑ Marca, ed. (16 de maio de 2006). "Osasuna gana al Valencia y se hace de Champions" (en castelán). Consultado o 11 de agosto de 2014.