Découvertes Gallimard

Découvertes Gallimard
	A nova edición de «Découvertes Gallimard»
Autor/a	Varios autores
Orixe	Francia
Lingua	Francés
Tema(s)	Humanidades
Xénero(s)	Enciclopedia
Editorial	Éditions Gallimard
Data de pub.	1986–presente
	[ editar datos en Wikidata ]

«Découvertes Gallimard» (Francés: [dekuvɛʁt ɡalimaːʁ], literalmente «Descubrimentos Gallimard»; publicada en España como «Aguilar Universal», «Biblioteca de bolsillo CLAVES» e «Biblioteca ilustrada») é unha colección enciclopédica de libros de peto ilustrados sobre unha variedade de temas. Foi publicada o 21 de novembro de 1986 polas Éditions Gallimard co primeiro volume À la recherche de l'Égypte oubliée (lit. «Á busca do Exipto esquecido»), escrito polo exiptólogo francés Jean Vercoutter.^[1] A colección contén actualmente máis de 700 libros.

Visión xeral Editar

Benvida ós peregrinos, fresco do século XV, utilizouse para a cuberta do volume 174 Compostelle, le grand chemin (lit. «Compostela, o gran camiño»), escrito por Xavier Barral i Altet.^[2]

O formato A6 (125 × 178 mm) é utilizado para estes mini libros e impreso en papel recuberto, groso e satinado, ricamente decorado con ilustracións a toda cor, desde o que saltan dúas ou tres imaxes por páxina. Cada libro está composto por unha monografía e céntrase nun tema en particular, toda a colección abarca todas as áreas de coñecemento e experiencia humana, coas contribucións de 502 especialistas.^[3] Usan xeralmente a liña de tempo e perspectivas históricas para describir un tema, por exemplo, o 174º título Compostelle : Le grand chemin, que narra en orde cronolóxica para presentar a historia do Camiño de Santiago, e unha antoloxía da arte románica. Case todos os volumes seguen o mesmo método, polo tanto, a historia é o elemento esencial da perspectiva para esta obra.

Críticas Editar

A revista cultural francesa Télérama eloxiou a colección: «Os volumes de ‹Découvertes Gallimard› toman o suspense do cine, teñen a eficiencia do xornalismo, o temperamento literario é o seu encanto, e a arte é a súa beleza.»^[3]