Cordeiro, Valga

parroquia civil do concello de Valga

Santa Comba de Cordeiro é unha parroquia que se localiza no concello de Valga. Segundo o IGE,[2] en 2022 tiña 2.062 habitantes (990 homes e 1.072 mulleres), o que supón unha diminución en relación ao ano 1999 cando tiña 2.327 habitantes.

Cordeiro
igrexa parroquial
ConcelloValga[1]
ProvinciaPontevedra
Coordenadas42°41′35″N 8°40′56″O / 42.69305556, -8.68222222Coordenadas: 42°41′35″N 8°40′56″O / 42.69305556, -8.68222222
Poboación2.062 hab. (2022)
Entidades de poboación21[1]
editar datos en Wikidata ]

Está situada ao pé do monte Fontebecha, a última altura significativa cara ao norte do cordal no que se atopa o Monte Xiabre.

Historia editar

En 1028 Bermudo III doou esta vila ao bispado de Compostela. Nese momento o topónimo era Cordario[3]. No lugar existiu un mosteiro até 1478, na súa orixe feminino e despois de cóengos.

Patrimonio editar

Até o século XVIII existiu a Igrexa vella de Santa Comba de Louro, construción medieval sobre un templo tardorromano. Logo do seu abandono, a súa pedra foi utilizada para a construción da actual igrexa, situada 300 m máis ao norte.

A igrexa parroquial é unha colexiata de estilo barroco, rematada en 1733. Ten planta de cruz latina con bóveda de canón e cuberta a dúas augas. O cruceiro ten bóveda de aresta e cuberta a catro augas. A nave está dividida en tres tramos por arcos faixóns. No primeiro hai altares laterais con arco de medio punto, no segundo xanelas cadradas formando lunetos na bóveda, e no terceiro coro con balaustrada. A sancristía está acaroada á ábsida. A fachada ten porta alintelada moldurada, fornela con volutas, xanela rectangular, remate a dúas augas con pináculo e cruz. A torre – campanario é lateral con decoración de placas e escaleira de subida con patín sobre columnas.

Embutido na parede dunha casa particular do lugar de Beiro consérvase un panel dun baldaquino que representa o nacemento de Xesús.

No lugar de Vilar érguese un cruceiro de capela, único exemplar que se conserva nesta tipoloxía fóra da súa área de distribución, que se limita á comarca de Barbanza.

Galería de imaxes editar

 
Panel dun baldaquino nunha casa particular en Beiro.
Panel dun baldaquino nunha casa particular en Beiro. 
 
Panel dun baldaquino na parede dunha casa en Beiro.
Panel dun baldaquino na parede dunha casa en Beiro. 
 
Igrexa vella de santa Comba de Louro.
Igrexa vella de santa Comba de Louro. 

Lugares e parroquias editar

Lugares de Cordeiro editar

Lugares da parroquia de Cordeiro no concello de Valga (Pontevedra)

Balleas | Barcia | Barro | Beiro | A Canle | A Carballa | Carracido | A Casanova | Castiñeiras | Os Cotriños | As Eiras | Ferreirós | O Forno | A Gandra | Laxes | Moldes | O Outeiro | Socastro | A Torre | Vilar | Vilarello

Parroquias de Valga editar

Galicia | Provincia de Pontevedra | Parroquias de Valga

Campaña (Santa Cristina) | Cordeiro (Santa Comba) | Setecoros (San Salvador) | Valga (San Miguel) | Xanza (Santa María)

Notas editar

Véxase tamén editar

Outros artigos editar