Guillerme Moreira
Benvido(a) á Galipedia, Guillerme Moreira!
Esta é a túa páxina de conversa, que che servirá para recibires mensaxes doutros colaboradores. Ademais, tes a túa páxina de usuario, onde podes poñer os teus datos, intereses etc. | ||
Os alicerces da Wikipedia son estes Cinco piares, polo que é importante que lle botes unha ollada. Na guía de edición e nas preguntas frecuentes podes atopar moita información de axuda. Explícase como editar unha páxina, como configurar a interface (por exemplo, elixir a lingua), como cargar ficheiros e os puntos básicos das políticas e normas da Wikipedia. Non precisas de coñecementos técnicos para contribuír aquí. Anímate a contribuír e presupón boa fe con respecto ás intencións dos outros colaboradores. Isto é un wiki, polo que é realmente doado contribuír. Se o desexas podes crear un artigo, paso a paso, coa axuda do noso asistente.
Hai máis información dispoñible na páxina de axuda e no Portal da comunidade. Pódeste pór en contacto co resto dos usuarios na Taberna da Galipedia. Tamén podes contactar cos administradores na súa páxina de conversa ou no Taboleiro dos administradores.
|
|
Boa estadía e bo traballo. Xoacas(ti si que es lindo, ho) 18:27, 18 de xaneiro de 2011 (UTC)
María Rosendo e outros
editarOla, Guillerme. Fixen uns cantos cambios en María Rosendo para axustalo ó formato, aquí podes velos. Nos outros artigos artigos que creaches fixen cambios semellantes, tenos en conta para futuras edicións. Bo traballo, un saúdo. Xoacas(ti si que es lindo, ho) 22:01, 18 de xaneiro de 2011 (UTC)
Ola, Guillerme. Por curiosidade: ti xa editaras antes nalgunha wikipedia? Un saúdo. Xoacas(ti si que es lindo, ho) 00:56, 19 de xaneiro de 2011 (UTC)
Ola, Xoacas. Agradézoche as túas indicacións. E si, algo tiña feito. Saúdos. Guillerme.
Artigos demasiado curtos
editarBoa tarde, Guillerme. A ver se puideses meter algo máis de contido nos artigos. Non fai falla que sexa moito pero si un cabezallo inicial a poder ser. Dígocho polos artigos que estás a crear, o último deles Xosé Daniel Costas Currás. Graciñas, un saúdo, e para calquera cousa non tes máis que preguntar. --Atobar (conversa comigo) 18:18, 19 de xaneiro de 2011 (UTC)
Ola, Atobar. Os artigos que estou creando son na maior parte sobre autores novos, nalgúns casos que só teñen unha obra publicada, por iso son curtos; pero inclúo sempre ligazóns que complementen a información. Saúdos. Guillerme.
- Guillerme, precisamente desas ligazóns externas que achegas podes reformular información e engadila aquí. No artigo de Susana Sánchez tes un exemplo do que cómpre facer. Olla para aquí. Por outra banda, unha cuestión técnica: para te dirixires a outro usuario debes facelo na súa páxina de conversa e non na de teu. E para asinares, non hai que escribir o nome senón a sinatura, que se engade premendo na icona cun lapiseiro e un garabato, xusto por cadro de escrita, ao acabares de redactar o que queiras dicir. Un saúdo. --Atobar (conversa comigo) 18:36, 19 de xaneiro de 2011 (UTC)
- Este vale perfecto. Graciñas, Guillerme. --Atobar (conversa comigo) 22:15, 19 de xaneiro de 2011 (UTC)