Colleen Atwood
Colleen Atwood, nada en Yakima (Washington) o 25 de setembro de 1948,[1] é unha deseñadora de vestiario estadounidense.
| Colleen Atwood | |
|---|---|
| Nacemento | 25 de setembro de 1948 |
| Lugar de nacemento | Yakima |
| Nacionalidade | Estados Unidos de América |
| Alma máter | Cornish College of the Arts e Universidade de Nova York |
| Ocupación | diseñador de vestuario, deseñador de moda e deseñadora |
| Premios | Óscar ó mellor deseño de vestiario, Óscar ó mellor deseño de vestiario, Óscar ó mellor deseño de vestiario, Óscar ó mellor deseño de vestiario, BAFTA de Melhor Figurino, BAFTA de Melhor Figurino, BAFTA de Melhor Figurino, Premios Emmy, Costume Designers Guild Award for Excellence in Fantasy Film, Costume Designers Guild Award for Excellence in Fantasy Film, Costume Designers Guild Award for Excellence in Period Film e Costume Designers Guild Award for Excellence in Period Film |
| Na rede | |
       | |
| [ editar datos en Wikidata ] | |
Atwood foi candidata ao Óscar ao mellor deseño de vestiario en doce ocasións, e gañouno polos filmes Chicago (2002), Memorias dunha gueixa (2005), Alice in Wonderland (2010) e Animais fantásticos e onde atopalos (2016). Colaborou varias veces cos directores Tim Burton, Rob Marshall e Jonathan Demme.[2]
TraxectoriaEditar
Primeiros anos e estudosEditar
Atwood naceu en Yakima, Washington, e estudou pintura no Cornish College of the Arts de Seattle a principios da década de 1970. Posteriormente traballou en varios lugares, como na tenda de Yves St. Laurent nos almacéns Frederick & Nelson da cidade.[3]
CarreiraEditar
Atwood comezou a súa carriera como conselleira de moda en Washington a principios da década de 1970. Mudouse a Nova York en 1980, onde estudou na Universidade de Nova York.[4] A súa carreira no cinema comezou tras un encontro casual co fillo dunha das deseñadoras dos decorados do filme Ragtime, tralo que obtivo o traballo de axudante de produción nese filme.[3][5] Traballou como axudante de deseño de vestiario e finalmente logrou o seu primeiro traballo en A Little Sex, dirixido por Bruce Paltrow.[4]
Atwood entrou no mundo do deseño de vestiario para teatro e cinema, acadando a fama polo seu traballo na xira mundial Bring on the Night de Sting, da que se realizou un documental homónimo.[6] Un punto importante na súa carreira chegou cando, a través do deseñador de produción Bo Welch, con quen traballara en Joe Versus the Volcano, coñeceu o director Tim Burton. Atwood e Burton traballaron xuntos en sete filmes nos seguintes anos, a partir de Edward Scissorhands.[3][5] Mudouse aos Ánxeles en 1990.[4]
Atwood involucrouse parcialmente no desenvolvemento o foi a deseñadora xefa en máis de cincuenta filmes. Tamén foi a deseñadora de todos os traxes novos para Ringling Bros. e Barnum & Bailey Circus en 2005-2006 e dos uniformes de The Black Parade para o grupo My Chemical Romance, ademais do vestiario do seu seguinte álbum, Danger Days: The True Lives of the Fabulous Killjoys. Tamén traballa na televisión, como nas series Arrow,[7] The Flash,[7] e Supergirl.[7]
Os deseñadores de moda favoritos de Atwood inclúen Azzedine Alaia,[4] Yohji Yamamoto[4] e Alexander McQueen.[4][8]
FilmografíaEditar
CinemaEditar
TelevisiónEditar
NotasEditar
- ↑ "Atwood, Colleen". Current Biography Yearbook 2010. Ipswich, MA: H.W. Wilson. 2010. pp. 19–22. ISBN 9780824211134.
- ↑ "Oscars: Colleen Atwood wins for Alice in Wonderland costume design". LA Times. 27 de febreiro de 2011.
- ↑ 3,0 3,1 3,2 "Who dresses Johnny Depp? Costumer Colleen Atwood, a Northwest native". The Seattle Times. 11 de decembro de 2010. Consultado o 22 de outubro de 2018.
- ↑ 4,0 4,1 4,2 4,3 4,4 4,5 Diamond, Jamie (24 de febreiro de 2005). "A Costume Drama in Modern Dress". New York Times.
- ↑ 5,0 5,1 "Behind the Scenes; A Dozen Bright Talents Who Are Helping To Shape the Season Ahead:COLLEEN ATWOOD: Clothes Conscientious". New York Times. 9 de setembro de 1990.
- ↑ Maslin, Janet (8 de novembro de 1985). "SCREEN: STING IN 'BRING ON THE NIGHT'". New York Times.
- ↑ 7,0 7,1 7,2 "Costume Designer Colleen Atwood on Making the Heroes of ‘Flash’ & ‘Arrow’ Look Super". Variety. 3 de xuño de 2015.
- ↑ Leung, Mariana (1 de xuño de 2012). "Exclusive Interview: Oscar-Winning Costume Designer Colleen Atwood". Ms Fabulous. Consultado o 8 de xuño de 2013.