Ciutat Vella de Valencia
Ciutat Vella (en galego: Cidade Vella) é o nome que recibe o distrito número 1 da cidade de Valencia. Está delimitado pola muralla do século XIV, é dicir, as rúas de Colom, Xàtiva, Guillem de Castro, a marxe dereita do río Turia dende esta rúa á de Justícia, a Porta de la Mar e de novo Colom.
Localización e distribución
editar
Limita co Eixample polo suroeste, Extramurs polo sueste, la Saïdia polo norte, e o Pla del Real polo leste. Conta en 2007 con 25.368 habitantes, distribuídos en seis barrios:
- la Seu (2.789)
- la Xerea (3.839)
- el Carme (6.074)
- el Pilar (3.912)
- el Mercat (3.266)
- Sant Francesc (5.488)
Elementos destacados
editarNa Ciutat Vella atópanse os principais equipamentos da cidade dende tódolos puntos de vista:
- Administrativos: o Concello, o Palau da Generalitat, as Cortes Valencianas, moitas consellarías ou Deputación.
- Financeiros: a Bolsa de Valencia (Palacio dos Boïl-Arenós) e sedes ou sucursais principais de entidades bancarias (especialmente arredor da rúa Pintor Sorolla e das Barques, que sería o Central Business District da cidade).
- Comerciais: o Mercado Central, o mercado de Mossén Sorell, grandes almacéns.
- Culturais e museísticos: IVAM, MUVIM, Museo de Cerámica, a biblioteca da Universitat de València, o Museo do Século XIX, o Centro Cultural de Beneficiència, Centro Cultural de l'Octubre (OCCC), o Museo de Belas Artes (este atópase diante mesmo da cidade vella, relativamente preto das Torres de Serrans).
- Relixiosos: a Catedral, a igrexa de Sant Joan de l'Hospital, a igrexa de Santa Caterina, a igrexa de Sant Joan del Mercat, a Basílica da Mare de Déu dels Desemparats etc.
- Históricos: Llotja de la Seda, Torres de Serrans, Torres de Quart, Portal de la Valldigna, palacios privados da cidade.
Poboación
editarA poboación da Ciutat Vella segundo o INE a 1 de xaneiro de 2007 era de 25.368 habitantes. En 1981 había 35.415, feito que mostra a forte perda de poboación deste distrito nos últimos anos. Con todo, grazas á rehabilitación do distrito que se está levando a cabo, a partir de 2003 deixou de perder poboación, e de feito gañouna lixeiramente, pasando de 25.075 habitantes en 2003 a 25.184 en 2005 e a 25.368 en 2007.
