Abrir o menú principal

O Cholet Basket é un club profesional de baloncesto francés con sede na cidade de Cholet, no País do Loira. Actualmente xoga na Ligue Nationale de Basket Pro A (LNB), a máxima categoría do baloncesto galo. No ano 2010 o club gañou o seu primeiro campionato de liga, o que supuxo o seu terceiro título importante tras gañar en 1998 e 1999 a Copa. O Cholet xoga os seus partidos como local en La Meilleraie, un pavillón con capacidade para 5.191 espectadores.

Cholet Basket
LaMeilleraieCholet270220101.jpg
Información xeral
Liga Pro A
Alcume Le CB
Fundación 1975
Cores           Vermello, branco
Presidente Francia Didier Barré
Adestrador Francia Régis Boissié
Seareiros Les C’Bulls
Localización
Cidade Francia Cholet, Francia
Pavillón La Meilleraie
Capacidade 5.191
Inauguración 1987
Campionatos
Liga 1 (2010)
Copa 2 (1998, 1999)
cholet-basket.com

HistoriaEditar

O baloncesto chega á cidade de Cholet en 1928 coa creación da sección de baloncesto do club deportivo Jeune France por Jean Leroux. Coa ambición de chegar á Nationale 1, máxima categoría do baloncesto francés, os dirixentes da sección de baloncesto deciden abandonar o Jeune France e fundar en 1975 o Cholet Basket baixo a presidencia de Michel Léger. O club consegue o seu obxectivo en tan só doce anos, debutando na primeira división na temporada 1987−88. O equipo consegue manterse na cateogría e aos poucos comeza a finalizar normalmente entre os dez primeiros clasificados. En 1999 o club gaña o seu primeiro título, a Copa de Francia, conseguindo ademais clasificarse para xogar na Euroliga. Na máxima competición continental finalizou cun balance de tres vitorias e trece derrotas.

O club sempre destacou polo seu sistema de formación de novos xogadores. De feito, na temporada 2004−05, dos doce xogadores do equipo profesional, até dez viñan das categorías de formación do club. Algún exemplo destes xogadores son Antoine Rigaudeau, Jim Bilba ou Mickaël Gelabale. Na temporada 2008−09 o Cholet estivo a piques de gañar o seu primeiro título continental, mais perde na final do EuroChallenge (75–77) ante a Virtus Bologna.[1] Porén, a decepción durou pouco, xa que no ano 2010 o equipo consegue gañar o seu primeiro título de Liga após acabar no primeiro lugar da clasificación e vencer na final dos play-offs polo título ao Le Mans. Grazas ao título o equipo volve a xogar a Euroliga para a temporada 2010–11, aínda que caen eliminados na primeira rolda con catro vitorias e seis derrotas. Destaca a súa vitoria por 82−78 ao Fenerbahçe Ülker, nesa altura invictos na competición. Na competición doméstica o equipo volve a ocupar o primeiro posto na liga, mais non consegue gañar ao título ao perder na final dos play-offs ante o SLUC Nancy. Despois de perder nas semifinais na temporada seguinte, o Cholet deixa de ocupar os primeiros postos da liga, converténdose nun equipo da zona da clasificación.

Ano a anoEditar

Ano Nivel Liga Pos. Copa Supercopa Competicións europeas
2006–07 1 Pro A Campión
2007–08 1 Pro A Subcampión Campión 3 FIBA EuroCup FG
2008–09 1 Pro A Rolda de 32 3 EuroChallenge
2009–10 1 Pro A Rolda de 64 Cuartos de final 2 Eurocup LR
2010–11 1 Pro A Rolda de 32 Cuartos de final 1 Euroliga LR
2011–12 1 Pro A Semifinais Cuartos de final 1 Euroliga QR1
2 Eurocup LR
2012–13 1 Pro A 10º Rolda de 32 2 Eurocup LR
2013–14 1 Pro A 13º Rolda de 32 3 EuroChallenge L16
2014–15 1 Pro A 14º Rolda de 32
2015–16 1 Pro A 13º Rolda de 64
2016–17 1 Pro A 11º Rolda de 32
2017–18 1 Pro A 15º Rolda de 32

XogadoresEditar

DestacadosEditar

TítulosEditar

Liga de Francia

  • Campións (1): 2010
  • Subcampións (2): 1988, 2011

Copa de Francia

  • Campións (2): 1998, 1999
  • Subcampións (2): 2005, 2008

Supercopa de Francia

  • Campións (1): 2008

NotasEditar

  1. Intorcia, Francesco Saverio (26 de abril de 2009). "Langford incorona la Virtus: è trionfo in Eurochallenge" (en italiano). 

Véxase taménEditar

Ligazóns externasEditar